సిద్ధార్థ్‌ నటించిన తాజా చిత్రం 'చిన్నా' ఓటీటీ స్ట్రీమింగ్‌కి సిద్ధమైంది. సిద్ధార్థ్‌ స్వయంగా నిర్మించిన ఈ సినిమా సెప్టెంబర్‌ 28న విడుదలైంది. కలెక్షన్లతో పాటు విమర్శకుల ప్రశంసలు కూడా వచ్చాయి. తెలుగులో మాత్రం వారం ఆలస్యంగా (అక్టో బర్‌ 6)న విడుదలై తెలుగు రాష్ట్రాల్లోనూ మంచి టాక్‌ సొంతం చేసుకుంది. తాజా సమాచారం ప్రకారం డిస్నీ ప్లస్‌ హాట్‌ స్టార్‌ ఈ సినిమా రైట్స్‌ను సొంతం చేసుకుంది. నవంబర్‌ 17న 'చిన్నా' సినిమా ఓటీటీలోకి అందుబాటులోకి రానుంది. తెలుగుతో పాటు తమిళం, మలయాళం, కన్నడ భాషల్లో స్ట్రీమింగ్‌కానుంది. బాలలపై దాడులు, లైంగిక హింస వంటి సున్నితమైన అంశాలను ఈ చిత్రంలో ఎంతో భావోద్వేగభరితంగా తెరకెక్కించారు ఎస్‌యూ అరుణ్‌ కుమార్‌ ఈ చిత్రానికి దర్శకత్వం వహించారు. సిద్ధార్థ్‌తో పాటు నిమిషా విజయన్‌, సహస్ర శ్రీ, అంజలి నాయర్‌ కీలక పాత్రలు పోషించారు.
