వెన్నెల కిశోర్‌ కథానాయకుడిగా నటిస్తున్న సినిమా 'చారి 111'. బర్కత్‌ స్టూడియోస్‌ పతాకంపై అదితి సోనీ ఈ చిత్రాన్ని నిర్మిస్తున్నారు. టీజీ కీర్తి కుమార్‌ దర్శకత్వం వహిస్తున్నారు. సంయుక్తా విశ్వనాథన్‌ కథానాయిక. మురళీ శర్మ ప్రధాన పాత్ర పోషిస్తున్నారు. ఈ చిత్రం నుండి మంగళవారం సినిమా ఫస్ట్‌ లుక్‌ విడుదల చేశారు. 'ఇదొక స్పై యాక్షన్‌ కామెడీ సినిమా. సిల్లీ మిస్టేక్స్‌ చేసే కన్‌ ఫ్యూజ్డ్‌ స్పై 'వెన్నెల' కిశోర్‌ ఓ పెద్ద కేసును ఎలా సాల్వ్‌ చేశాడనేది సినిమాలో చూడాలి. గూఢచారి సంస్థ హెడ్‌గా కథలో కీలకమైన పాత్రలో మురళీ శర్మ కనిపిస్తారు' అని దర్శకుడు ఈ సందర్భంగా మాట్లాడారు. 'స్పై జానర్‌ సినిమాల్లో 'చారి 111' కొత్తగా ఉంటుంది. 'వెన్నెల' కిశోర్‌ గారి నటన, టీజీ కీర్తి కుమార్‌ దర్శకత్వం సినిమాకు హైలైట్‌ అవుతాయి. చిత్రీకరణ పూర్తి అయ్యింది. ఈ రోజు విడుదల చేసిన ఫస్ట్‌ లుక్‌ ఫెంటాస్టిక్‌ రెస్పాన్స్‌ అందుకుంటోంది. త్వరలో మరిన్ని వివరాలు వెల్లడిస్తాం'' అని నిర్మాత చెప్పారు.
