అతివాద విప్లవ వారధి

అతడో సైన్యం.. అతడంటేనే ఓ ధైర్యం
అతడు.. అతివాద విప్లవవారధి
ఆజాద్‌ హిందూ ఫౌజ్‌ సారథి
జ్ఞానతరంగమై కదిలిన
అఖండ భారత సైన్య రథసారథి..

మరిగే రక్తానికి.. మహాసంకల్పానికీ..
కదిలే యువతరానికి ఖవాత్‌ల
పాఠాలను బోధించిన విప్లవ గురువు
స్వేచ్ఛ సాధన సంద్రంలో
పోరుకెరటమై గర్జించిన సిపాయి అతడు..

పరాయిపాలన అంతమొనర్చుటకై
త్రివర్ణ పతాకాన్ని చేతబూని పోరుసల్పిన ధీరుడు
ఖండాంతరాల్లో సంచరిస్తూ
భారతావనికీ రక్షణ కంచుకోటల నిర్మాత

కాలంచెల్లిన సిద్ధాంతాలను పక్కనబెడుతూ..
ఉక్కు పిడికిలిని బిగిస్తూ
నవ ఉషోదయంకై నడుంగట్టిన జవాను..

కదం తొక్కుతూ.. పదం పాడుతూ..
వలసవాదుల ఆధిపత్యంపై
అలుపెరుగక పోరుజేసిన
అతివాద విప్లవ వారధి
జననందప్ప మరణంలేని
అమరుడు ఆజాద్‌ సుభాష్‌ చంద్రబోస్‌.....

ఉప్పరి తిరుమలేష్‌
96189 61384