ఆరడుగుల నేల

ఏటా కొండచుట్టు
తిరుగుడుతో పుణ్యమెంతో
లెక్కలు తెలియవు
ఎన్నో కొన్ని మొక్కలు నాటు
ఆక్సిజన్‌ పండుతుంది

ప్రతి పుట్టినరోజుకు
విందు వినోదాల పేరిట ఖర్చెంతో లెక్కలు తెలియవు
పేద విద్యార్థికి ఫీజు చెల్లించు
ఆ పూరింట్లో దీపం వెలుగుతుంది

విల్లాలు డూప్లెక్స్‌ భవంతులు
కళ్ళు చెదిరే ఫర్నిచర్‌ ఖరీదెంతో లెక్కలు తెలియవు
నట్టింట పుస్తకాలర్యాక్‌ వుంచు
విజ్ఞానపరిమళాలు వికసించు

రాజకీయ దళారీలు
నిత్యం చేసే దందాలెన్నో
లెక్కలు తెలియవు
ఓటు విలువ తెలుసుకుంటే
మన భరతభూమి స్వర్గసీమ

ప్రేమ,కరుణ మానవసేవంటూ
మైక్‌ ముందు ఒట్టి అరుపులేల
అసలు లెక్క ఆరడుగుల నేలే
సార్వజనీన సత్యం గ్రహించు
మానవతా వెన్నెలలు కురిపించు

- పేరూరు బాలసుబ్రమణ్యం
98492 24162