గగనతలానికెగసి
సూర్యుని తాపాన్ని సైతం
లెక్కచేయక
దూసుకెళ్ళే డేగలా
ఈ ప్రపంచమంతా చుట్టి రావాలని అనుకోవాలి..!!
ప్రవాహం
ఎంత తీవ్రమైన
ఏటికి ఎదురెల్లే చేపలా
సమస్య ఏదైన ఎంతటిదైన
పరిష్కారం దిశగా ఎదురెళ్ళాలని అనుకోవాలి..!!
ఓటమిని అంగీకరించని
వీర సైనికునిలా యుద్ధ రంగంలో
వెనకడుగు వేయని యోధునిలా..
అలుపెరుగక సాగిపోవాలని అనుకోవాలి..!!
శక్తి యుక్తి నీవై ధీరోదాత్తడులా
కలలు కన్న కళను వెలికి తీసి
తమదైన ముద్ర వేసుకోవాలని అనుకోవాలి..!!
సాధనతో
సాధ్యం కానిది ఏదీలేదని
సమస్తాన్ని
జయించ వచ్చని
అనుకొంటే
కానిది ఏమున్నది?
మనిషి అనుకొంటే
సాధించలేనిదేమున్నది అని అనుకోవాలి..!!
లక్ష్మీ శ్రీనివాస్‌
96766 01192
