అధికారం

అధికారం ఓ మత్తు రా
అది ఉన్నంత సేపు గమ్మత్తు రా!

అధికారం అందమైన కుసుబం రా
అది ఎప్పుడైనా ఊడిపోయేదే గద రా!

అధికారం పట్టుకు వేలాడకురా
అహంకారం పెరిగి జారి పడేవురా!

అధికారం అందలం ఎక్కించురా
అది కైలాస కేళిలో పావురా!

అధికారంతోనే నీ దర్పము రా
అది పోతే అంతా తారుమారు రా!

అధికారం వరించుట అదృష్టం రా
అది భగవత్‌ భాగ్యమని సేవ చేయరా!

అధికారం అందరికీ అండగా ఉండాలిరా
అది అప్పుడే సార్థకమవుతుంది రా!

అధికారం తేనె పట్టు రా
అది కదిలిస్తే కుట్టిపెట్టురా
అది విదిలిస్తే పగబట్టి వెంటపడురా!

అవినీతి గుట్టు కనిపెట్టు రా
అసమ్మతితో దానికి ఊదర పెట్టురా
అవిశ్వాసం దాని పని పట్టురా!

ఆత్మ ప్రబోధం కనికట్టు రా
ఆదమరిస్తే...
అధికారం హాం పట్టు రా!

పి.బక్కారెడ్డి
97053 15250