శ్రీలంక లెజెండరీ క్రికెటర్‌ ముత్తయ్య మురళీధరన్‌ జీవితం ఆధారంగా తెరకెక్కిన మూవీ '800'. ఈ సినిమాకి ఎంఎస్‌ శ్రీపతి దర్శకత్వం వహించారు. షెహన్‌ కరుణతిలకతో కలిసి ఆయన ఈ మూవీ స్క్రిప్ట్‌ ను రాశారు. శ్రీదేవి మూవీస్‌ అధినేత శివలెంక కృష్ణ ప్రసాద్‌ తెలుగు, హిందీ మరియు తమిళ భాషల్లో ప్రపంచవ్యాప్తంగా అక్టోబరు 6న ఈ సినిమాను విడుదల చేశారు. తాజాగా ఇప్పుడు ఓటీటీ విడుదలకు సిద్ధం అయ్యింది. 'జియో సినిమా' ఓటీటీ ప్లాట్‌ ఫామ్‌ ఈ సినిమా డిజిటల్‌ హక్కులను సొంతం చేసుకుంది. డిసెంబర్‌ 2వ తేదీ నుంచి ఈ చిత్రం స్ట్రీమింగ్‌ మొదలు కానుందని మంగళవారం జియో సంస్థ ట్విట్టర్‌లో పేర్కొంది. తెలుగుతో పాటు హిందీ, తమిళ, మలయాళ, కన్నడ సింహళ భాషల్లో డిజిటల్‌ రిలీజ్‌ కానుంది. ఈ సినిమాలో మురళీధరన్‌ పాత్రలో మధుర్‌ మిట్టల్‌ నటించగా మురళీధరన్‌ భార్య మది మలర్‌ పాత్రలో మహిమా నంబియార్‌ నటించారు. శరత్‌ లోహితస్య ముఖ్య పాత్ర చేశారు.
