- బ్రోచర్ ను ఆవిష్కరించిన చేస్ అసోసియేషన్ నాయకులు
ప్రజాశక్తి-విజయనగరం టౌన్ : అండర్ 13 రాష్ట్ర చేస్ చాంపియన్ పోటీలు ఈ నెల 20 తేదీ నుంచి 23 వరకు విజయనగరంలో జరగనున్నాయి అని చేస్ అసోసియేషన్ అధ్యక్ష, కార్యదర్శులు బి.ఏ రావు, కెవి జ్వాలాముఖి, టోర్నమెంట్ నిర్వాహకులు లార్వెన్స్ స్కూల్ డైరెక్టర్ రవి మండా తెలిపారు. శనివారం లార్వేన్స్ స్కూల్లో ఏర్పాటు చేసిన విలేకరుల సమావేశంలో వారు ముందుగా రాష్ట్ర పోటీలు బ్రొచర్ ను ఆవిష్కరించారు.అనంతరం వారు మాట్లాడుతూ అండర్ 13 విభాగంలో రాష్ట్ర పోటీలు ముడిధాంలో ఉన్న లార్వెన్స్ స్కూల్లో నాలుగు రోజుల పాటు జరగనున్నాయి అని తెలిపారు.రాష్ట్ర వ్యాప్తంగా 250 నుంచి 300 మంది క్రీడాకారులు హాజరు కానున్నారని తెలిపారు. అదే విధంగా రేటింగ్ ఉన్న క్రీడాకారులు ఆ విభాగంలో పాల్గోవచ్చునన్ని తెలిపారు. అంతర్జాతీయ చేస్ అసోసియేషన్ మార్గదర్శకాలు ప్రకారం టోర్నమెంట్ నిర్వహణ జరుగుతుందన్నారు. నాలుగు రోజుల పాటు జరగనున్న టోర్నమెంట్ కు వచ్చే క్రీడాకారులకు,వారితో వచ్చే తల్లి తండ్రులకు భోజన, వసతి సౌకర్యాలు కల్పించడం జరుగుతుందన్నారు. ఈ పోటీల్లో విజేతలైన వారిని హైదరాబాద్ లో జరగనున్న జాతీయ పోటీలకు పంపించడం జరుగుతుంది అని తెలిపారు. చేస్ చాంపియన్ షిప్ పోటీల్లో విజవంతంగా జరిగే విధంగా క్రీడాకారులు, క్రీడా సంఘాలు,ప్రజలు సహకరించాలని వారు కోరారు. విలేకర్ల సమావేశంలో అసోసియేషన్ సభ్యులు పాల్గొన్నారు.
