- రసవత్తరంగా జరుగుతున్న అండర్ 19 క్రికెట్ టోర్నమెంట్
ప్రజాశక్తి.-విజయనగరం టౌన్ : జిల్లాలో పలు క్రికెట్ మైదానాల్లో జరుగుతున్న అండర్ 19 వన్డే మ్యాచ్ లు రసవత్తరంగా సాగుతున్నాయి. సోమవారం స్థానిక పీవీ జి రాజు చింతలవలస క్రికెట్ మైదానంలో అస్సాం జట్టుతో జరిగిన మ్యాచ్ లో కేరళ జట్టు 8 వికెట్లు తేడాతో విజయం సాధించింది.తొలుత బ్యాటింగ్ చేసిన అస్సాం జట్టు 34.4 ఓవర్లలో 78 పరుగులు చేసి ఆలౌట్ అయ్యింది.అనంతరం బ్యాటింగ్ చేసిన కేరళ జట్టు 20.3 ఓవర్లలో 2 వికెట్లు కోల్పోయి 82 పరుగులు చేసి విజయం సాధించింది. అనంతరం సర్ విజ్జి స్టేడియం లో జరిగిన మధ్యప్రదేశ్ ,మిజోరాం జట్లు మద్య జరిగిన మ్యాచ్ లో మధ్యప్రదేశ్ జట్టు 6 వికెట్ల తేడాతో విజయం సాధించింది.మిజోరాం 39.4 ఓవర్లలో 71 పరుగులు చేసి ఆలౌట్ కాగా అనంతరం బ్యాటింగ్ చేసిన మధ్యప్రదేశ్ జట్టు 8.1 ఓవర్లలో 4 వికెట్లు కోల్పోయి 72 పరుగులు చేసి విజయం సాధించింది.
