- ప్రదర్శనను ప్రారంబించిన నగర పాలక సంస్థ కమీషనర్ శ్రీరాములు నాయుడు
ప్రజాశక్తి-విజయనగరం టౌన్ : ప్రపంచ ఆహార దినోత్సవాన్ని పురస్కరించుకొని స్థానిక గురజాడ పాఠశాలలో "మంచి ఆహరం పదార్ధాలు - వాటి ప్రయోజనాలు" అనే కార్యక్రమాన్ని 300 మంది విద్యార్థులతో సోమవారం నాడు నిర్వహించడం జరిగింది. ఈ కార్యక్రమానికి ముఖ్య అతిధిగా రెడ్డి శ్రీరాములు నాయుడు మున్సిపల్ కమీషనర్ హాజరయ్యారు. ఈ కార్యక్రమంలో విద్యార్థులు వివిధ ఆహార పదార్ధాలను పరీక్షించి వాటి ప్రయోజనాలను చక్కగా వివరించడం జరిగింది. ఈ కార్యక్రమాన్ని విద్యార్థులలో మంచి ఆహార పదార్ధాల పట్ల అవగాహనా కల్పించే ఉద్దేశ్యంలో ఏర్పాటు చేయడం జరిగింది. ఈ కార్యక్రమంలో జెవివి రాష్ట్ర అధ్యక్షుడు డా .ఎం వి ఆర్ కృష్ణాజీ మాట్లాడుతూ నేటి చిన్నారులకు మంచి ఆహరం పట్ల అవగాహన లోపించడం మరియు జంక్ ఫుడ్స్ పట్ల వ్యామోహాన్ని పెంచుకోవడం వంటివి అనేక అనారోగ్య సమస్యలకు కారణాలు కావడాన్ని విద్యార్థులకు వివరిస్తూ ఈ మంచి ఆహారాల పట్ల పూర్తి అవగాహనలో ఉండాలని విద్యార్థులకు వివరించడం జరిగింది.
ముఖ్యఅతిధిగా రెడ్డి శ్రీరాములు నాయుడు మున్సిపల్ కమీషనర్ మాట్లాడుతూ ఇటువంటి మంచి కార్యక్రమాలు అన్ని పాఠశాలలోనూ జరిపించినట్లైతే విద్యార్థులకు ప్రత్యక్ష అవగాహనను కల్పించిన వారమవుతావని వివరిస్తూ ఇటువంటి మంచి కార్యక్రమాలను జరిపించుచున్న గురజాడ పాఠశాల వారికీ అభినందించడం జరిగినది. ఈ కార్యక్రమంలో కరస్పాండెంట్ ఎం.స్వరూప, పాఠశాల ప్రధానోపాధ్యాయులు పూడి.శేఖర్, విద్యార్థులు, ఉపాధ్యాయులు పాల్గొనిరి. ఈ కార్యక్రమానికి సూర్య లక్ష్మి , భార్గవి న్యాయ నిర్ణేతలుగా వ్యవహరించారు.
