- రాష్ట్ర పోటీలకు జిల్లా జట్లు ఎంపిక పూర్తి
ప్రజాశక్తి-విజయనగరం టౌన్ : అండర్ 19 హాకీ, హ్యాండ్ బాల్ జిల్లా జట్లు ఎంపిక కు విశేష స్పందన లభించింది.బుధవారం స్థానిక రాజీవ్ క్రీడా ప్రాంగణంలో జరిగిన ఎంపిక పోటీలకు జిల్లా వ్యాప్తంగా అధిక సంఖ్యలో క్రీడాకారులు హాజరయ్యారు. రాష్ట్ర స్థాయి హాకీ పోటీలు విశాఖ జిల్లాలో చోడవరం లో ఈ నెల 21 తేదీ నుంచి 23 తేదీ వరకు జరగనున్నాయి. ఈ పోటీలకు 16 మంది బాలురు, 16 మందితో బాలికలు జట్లు ఎంపిక చేయడం జరిగిందని అండర్ 19 స్కూల్ గేమ్స్ కార్యదర్శి పీ వీ ఎల్ ఎన్ కృష్ణ తెలిపారు. అదే విధంగా హ్యాండ్ బాల్ రాష్ట్ర పోటీలు తూర్పు గోదావరి జిల్లా కాకినాడలో ఈ నెల 29 నుంచి 31 తేదీ వరకు జరగనున్నాయి. ఈ పోటీలకు 13 మందితో బాలురు జట్టు,12 మందితో బాలికల జట్టును ఎంపిక చేయడం జరిగిందని తెలిపారు. జిల్లా వ్యాప్తంగా వచ్చిన క్రీడాకారులు లో పోటీలు నిర్వహించి ప్రతిభ కనబరిచిన వారిని జిల్లా జట్టుకు ఎంపిక చేసి,రాష్ట్ర పోటీలకు పంపించడం జరుగుతుందని తెలిపారు.
