మహేష్‌బాబు పుట్టినరోజును పురస్కరించుకుని అభిమానులు ఆయనకు ఎప్పటికీ గుర్తుండిపోయే బహుమతి ఇచ్చారు. ఒక నక్షత్రానికి ఆయన పేరును రిజిస్టర్‌ చేయించారు. ఈ విషయాన్ని స్టార్‌ రిజిస్ట్రేషన్‌ సంస్థ అధికారికంగా తెలిపింది. ఈ మేరకు ఆర్‌ఎ : 12హెచ్‌33ఎం29ఎస్‌ నక్షత్రానికి మహేష్‌బాబు పేరు పెట్టారు. గెలాక్సీలో అత్యంత ప్రేమగా ఇష్టపడే నక్షత్రం ఇదేనంటూ వారు పేర్కొన్నారు. ప్రస్తుతం ఆయన కుటుంబ సభ్యులతో కలిసి స్కాట్‌లాండ్‌ టూర్‌కు వెళ్లారు. బుధవారం ఆయన పుట్టినరోజును పురస్కరించుకుని సినీ ప్రముఖులు శుభాకాంక్షలు తెలిపారు. మహేష్‌కి పుట్టిన్రోజు శుభాకాంక్షలు చెబుతూ, చిరంజీవి, ఎన్టీఆర్‌, హరీశ్‌ శంకర్‌, తమన్‌, విజరు దేవరకొండ తదితరులు పోస్టులు పెట్టారు.
