ఎంటైర్‌ ఇండియన్‌ ఫిల్మ్‌ ఇండిస్టీలో ఎంతో ఆసక్తిగా ఎదురు చూస్తోన్న పాన్‌ ఇండియా మూవీ 'సలార్‌'. పాన్‌ ఇండియా స్టార్‌ ప్రభాస్‌ హీరోగా కేజిఎఫ్‌తో బాక్సాఫీస్‌ను షేక్‌ చేసిన డైరెక్టర్‌ ప్రశాంత్‌ నీల్‌ దర్శకత్వంలో ప్రముఖ నిర్మాణ సంస్థ హౌంబలే ఫిలింస్‌ బ్యానర్‌ నిర్మిస్తోన్న భారీ బడ్జెట్‌ చిత్రమిది. ఈ సినిమా అనౌన్స్‌ చేసిన రోజు నుంచి అందరిలో ఎగ్జయిట్‌మెంట్‌ను పెంచుతోంది. ఈ మూవీకి సంబంధించిన అప్‌డేట్స్‌ కోసం ఫ్యాన్స్‌, ప్రేక్షకులు ఆతృతగా ఎదురు చూస్తున్నారు. ఈ క్రమంలో మేకర్స్‌ 'సలార్‌' టీజర్‌ను జూలై 6 ఉదయం 5 గంటల 12 నిమిషాలకు విడుదల చేస్తున్నట్లు ప్రకటించారు. ఈ మూవీలో ప్రభాస్‌తో పాటు పథ్వీరాజ్‌ సుకుమార్‌, శృతీ హాసన్‌, జగపతి బాబు, తదితరులు ఇతర కీలక పాత్రల్లో నటిస్తోన్న పాన్‌ ఇండియా భారీ చిత్రం 'సలార్‌'ను సెప్టెంబర్‌ 28న రిలీజ్‌ చేస్తున్నారు.
