ప్రభాస్‌ కథానాయకుడిగా ప్రశాంత్‌ నీల్‌ 'సలార్‌' టీజర్‌ విడుదలతో సినిమాపై భారీ అంచనాలు ఏర్పడ్డాయి. పృథ్వీరాజ్‌ సుకుమార్‌, శ్రుతిహాసన్‌, జగపతిబాబు కీలక పాత్రల్లో పోషిస్తున్నారు. 'సలార్‌ రెండు భాగాలుగా రానుందా' అని గత కొంతకాలంగా సాగుతున్న ప్రచారానికి టీజర్‌ ద్వారా స్పష్టత ఇచ్చింది చిత్ర బృందం. 'సలార్‌ పార్ట్‌-1: సీజ్‌ ఫైర్‌' అని పేర్కొంటూ సెప్టెంబరు 28న ఈ సినిమాను విడుదల చేయ నున్నట్లు తెలిపింది. దీంతో 'పార్ట్‌-2' కూడా ఉంటుందని ప్రభాస్‌ అభిమానులు పేర్కొంటున్నారు. అప్పట్లో 'వైలెన్స్‌.. వైలెన్స్‌.. వైలెన్స్‌' అంటూ ఒక్క డైలాగ్‌తో 'కేజీయఫ్‌2' ట్రైలర్‌ విడుదల చేసి, పార్ట్‌-1ను మించి సీక్వెల్‌ ఉంటుందన్న అంచనాలను రెట్టింపు చేశారు దర్శకుడు ప్రశాంత్‌ నీల్‌. ఇక 'కేజీయఫ్‌' సినిమా ఆసాంతం గోల్డ్‌ మైన్స్‌లో సాగుతుండగా, 'సలార్‌' బొగ్గు గనుల నేపథ్యంలో ఉంటుందని టాక్‌.
