రవితేజ, వంశీ, అభిషేక్‌ అగర్వాల్‌ ఆర్ట్స్‌ పాన్‌ ఇండియన్‌ చిత్రం 'టైగర్‌ నాగేశ్వరరావు'లో హేమలత లవణంగా రేణు దేశాయ్ పవర్‌ఫుల్‌ రోల్‌ చేస్తున్నారు. టైగర్‌ నాగేశ్వరరావు1970 స్టువర్ట్‌పురం నేపధ్యంలో పేరు మోసిన దొంగ బయోపిక్‌ గా రూపొందుతోంది. ఈ చిత్రంలో రేణు దేశాయ్ పాత్రను పరిచయం చేస్తూ మేకర్స్‌ మేకర్స్‌ గురువారం ఒక చిన్న వీడియో గ్లింప్స్‌ని విడుదల చేశారు. ఈ చిత్రంలో రేణు దేశాయ్ హేమవతి లవణం అనే చాలా ముఖ్యమైన, పవర్‌ ఫుల్‌ పాత్రను పోషిస్తోంది. ఇది నిజ జీవిత పాత్ర. హేమలత లవణం భారతీయ సామాజిక కార్యకర్త, రచయిత, అంటరానితనం, సామాజిక అసమానతలకు వ్యతిరేకంగా పోరాడారు. వీడియోలో రేణు దేశాయ్ తెల్లచీరలో కనిపించే మరో ఇద్దరు మహిళా కార్యకర్తలతో కలిసి రోడ్డుపై నడుస్తూ పవర్‌ ఫుల్‌ ఎంట్రీ ఇచ్చారు. జివి ప్రకాష్‌ కుమార్‌ బిజిఎమ్‌ పాత్రను మరింత ఎలివేట్‌ చేసింది.
ఈ సినిమాలో రవితేజ సరసన నూపూర్‌ సనన్‌, గాయత్రి భరద్వాజ్‌ హీరోయిన్లుగా నటిస్తున్నారు. తెలుగు, తమిళ, కన్నడ, మలయాళ, హిందీ భాషల్లో ఈ చిత్రం రూపొందిస్తున్నారు. ఆర్‌ మదీ ఐఎస్‌సి సినిమాటోగ్రాఫర్‌గా పని చేస్తున్న ఈ చిత్రానికి జివి ప్రకాష్‌ కుమార్‌ సంగీతం అందిస్తున్నారు. అవినాష్‌ కొల్లా ప్రొడక్షన్‌ డిజైనర్‌. మయాంక్‌ సింఘానియా సహ నిర్మాతగా వ్యవహరిస్తున్న ఈ చిత్రానికి శ్రీకాంత్‌ విస్సా మాటలు అందిస్తున్నారు.
