ప్రజాశక్తి-అమలాపురం రూరల్‌ : ఇటీవల క్రియేటివ్‌ హార్ట్స్‌ అకాడమీ ఆఫ్‌ ఫైన్‌ ఆర్ట్స్‌ వ్యవస్థాపక అధ్యక్షులు అంజి ఆకొండి, కాట్రేనికోనవారు విశ్వవిఖ్యాత నట సార్వభౌమ మాజీ ముఖ్యమంత్రి నందమూరి తారక రామారావు శతజయంతి సందర్భంగా జాతీయ స్థాయిలో నిర్వహించిన చిత్ర కళా పోటీల్లో డాక్టర్‌ బి.ఆర్‌.అంబేద్కర్‌ కోనసీమ జిల్లా అమలాపురానికి చెందిన చిత్రకారుడు పోలిశెట్టి నరసింహ చంద్రకుమార్‌, ఎన్‌.టి.ఆర్‌ గ్రేట్‌ క్రియేటివ్‌ ఆర్టిస్ట్‌ అవార్డు అందుకున్నట్లు సోమవారం తెలిపారు. ఆదివారం విజయవాడ బాలోత్సవ్‌ భవన్‌ లో అవార్డుల ప్రదానోత్సవం జరిగింది. ఈ కార్యక్రమంలో ముఖ్య అతిథులుగా పాల్గొన్న కే.సుందర్‌ కుమార్‌, రిజిస్ట్రార్‌ జె.ఎన్‌.ఎఫ్‌.ఏ.యూ హైదరాబాద్‌, దాకోజు శివప్రసాద్‌ ప్రముఖ చిత్రకారులు హైదరాబాద్‌, డాక్టర్‌ పి.వి.ఎన్‌ కృష్ణ, ప్రముఖ రంగస్థల నటులు దర్శకులు, నంది అవార్డు గ్రహీత, కళాసాగర్‌ యల్లపు ఎడిటర్‌ 64 కళలు చేతుల మీదుగా నరసింహ చంద్రకుమార్‌ ఈ అవార్డును అందుకున్నారు. ఈ కార్యక్రమంలో 100 కు పైగా చిత్రకారులు పాల్గొన్నారు. అవార్డు అందుకున్న పోలిశెట్టి నరసింహ చంద్ర కుమార్‌ ను ఈ సందర్భంగా పలువురు అభినందించారు.
