ప్రత్తిపాడు (గుంటూరు) : గుంటూరు ప్రత్తిపాడు నియోజకవర్గం వట్టిచెరుకూరు మండలం పుల్లడిగుంటలో దారుణ హత్య జరిగింది. ఈ ఘటనలో ఒకరు మృతి చెందగా, మరొకరికి తీవ్రగాయాలయ్యాయి.
పూర్తి వివరాల్లోకెళితే ... పుల్లడిగుంట గ్రామానికి చెందిన దరియాబి, పిరంగిపురం మండలం అమీనాబాద్‌కు చెందిన సుభానికి వివాహమయ్యి 20 ఏళ్లయ్యింది. అయితే కుటుంబ కలహాల కారణంగా భార్య భర్తలిద్దరూ గత ఏడు సంవత్సరాలుగా విడిపోయి వేరువేరుగా ఉంటున్నారు. ఈ క్రమంలో ... దరియాబి పుల్లడిగుంట గ్రామంలో ఇల్లు నిర్మించుకుంటుంది. అమీనాబాద్‌ కి చెందిన షాదుల్లాతో ఉంటుంది. షాదుల్లా మంగళవారం పుల్లడిగుంట వస్తున్నాడన్న సమాచారం తెలుసుకున్న దరియాబి భర్త సుభాని... మరొకరిని వెంటబెట్టుకొని పుల్లడిగుంటలో దరియాబి నిర్మిస్తున్న ఇంటికి వచ్చాడు. అక్కడున్న షాదుల్లా, దరియాబీలపై కత్తులతో దాడి చేశారు. ఈ దాడిలో షాదుల్లా అక్కడకక్కడే మృతి చెందాడు. దరియాబీ పరిస్థితి విషమంగా ఉండటంతో గమనించిన స్థానికులు ఆమెను వెంటనే గుంటూరు జి జి హెచ్‌ కి తరలించారు. ఘటనపై పోలీసులు కేసు నమోదు చేసి విచారణ చేపట్టారు.
