సంతోష్ కల్వచెర్ల, క్రిషిక పటేల్ హీరో హీరోయిన్లుగా ఎస్ జె కె ప్రొడక్షన్స్ బ్యానర్ పై జేమ్స్ వాట్ కొమ్ము నిర్మిస్తున్న సినిమా ఆర్టిస్ట్. ఈ సినిమాను దర్శకుడు రతన్ రిషి రూపొందిస్తున్నారు. తణికెళ్ల భరణి, సత్యం రాజేశ్, ప్రభాకర్, వినరు వర్మ, భద్రం, తాగుబోతు రమేష్ ఇతర కీలక పాత్రలు పోషిస్తున్నారు. చిత్రీకరణ తుది దశలో ఉన్న ఆర్టిస్ట్ సినిమా త్వరలో రిలీజ్ కు రెడీ అవుతోంది. ఆర్టిస్ట్ సినిమా ఫస్ట్ గ్లింప్స్ ను హైదరాబాద్ లో రిలీజ్ చేశారు. ఈ సందర్భంగా డైరెక్టర్ రతన్ రిషి మాట్లాడుతూ - ప్రతి ఒక్కరిలో కళ ఉంటుంది. అది టైమ్ వచ్చినప్పుడు బయటపడుతుంది. అందరి ఆర్టిస్టుల్లాగే నేనొక ఆర్టిస్టును పరిచయం చేశాను. అయితే అతను వైలెంట్ గా ఉంటాడు. మా సినిమా గ్లింప్స్ చూస్తే ఇది థ్రిల్లర్ అనుకుంటారు గానీ ఇందులో లవ్, ఎమోషన్, కామెడీ వంటి అన్ని షేడ్స్ ఉంటాయి. డార్క్ కామెడీలా సీన్స్ ఉంటాయి. ప్రొడ్యూసర్ నా కోసమే ఈ ప్రాజెక్ట్ చేశారు. ప్రతి ఆర్టిస్ట్ సపోర్ట్ చేశారు. ప్రభాకర్ ఎంట్రీతో వచ్చే సీన్ నుంచి మా సినిమా మొదలవుతుంది. ఆ సీన్ నుంచే థియేటర్స్ లో ఫోన్స్ పక్కన పెట్టేసి సినిమాలోకి వెళ్లిపోతారు. గ్లింప్స్ తో మీకొక మూవీ మీద మీకొక అంచనా వచ్చి ఉంటుంది. టీజర్, ట్రైలర్ మరింత ఆకట్టుకునేలా ఉంటాయి. అన్నారు.
హీరోయిన్ క్రిషిక పటేల్ మాట్లాడుతూ - ఆర్టిస్ట్ మూవీలో హీరోయిన్ గా నటించే అవకాశం ఇచ్చినందుకు ప్రొడ్యూసర్, డైరెక్టర్ గారికి థ్యాంక్స్ చెబుతున్నా. ఆర్టిస్ట్ మూవీతో టాలీవుడ్ లోకి రావడం హ్యాపీగా ఉంది. ఇదొక మంచి మూవీ. మీరు ఎంకరేజ్ చేస్తారని ఆశిస్తున్నా. అని చెప్పింది.
హీరో సంతోష్ కల్వచర్ల మాట్లాడుతూ - మా ఆర్టిస్ట్ మూవీ చిన్న ప్రాజెక్ట్ గా స్టార్ట్ అయ్యింది. మా ప్రొడ్యూసర్ గారు వచ్చిన తర్వాత పెద్ద ఆర్టిస్టులు అంతా జాయిన్ అయ్యారు. ఇంతమంది పేరున్న నటీనటులు మా సినిమాలో ఉండటం నాకే షాకింగ్ గా ఉండేది. గ్లింప్స్ లాగే సినిమా కూడా మీకు నచ్చుతుంది. అన్నారు.
