గూటాల బ్రాంచ్‌ మేనేజర్‌ పి.పవన్‌ కుమార్‌
ప్రజాశక్తి - పోలవరం
విద్యార్థులు చదువుతోపాటు ఆటల్లోను రాణించాలని గూటాల కెనరా బ్యాంక్‌ బ్రాంచ్‌ మేనేజర్‌ పి.పవన్‌ కుమార్‌ సూచించారు. మండలంలోని జిల్లా పరిషత్‌ ఉన్నత పాఠశాలలో కార్పొరేట్‌ సోషల్‌ రెస్పాన్సిబిలిటీలో భాగంగా గూటాల కెనరా బ్యాంకు శాఖ వారిచే పాఠశాల విద్యార్థులకు అవసరమైన క్రీడా సామగ్రిని ఆయన శనివారం అందజేశారు. ఈ సందర్భంగా పవన్‌ కుమార్‌ మాట్లాడుతూ చదువు జ్ఞానాన్ని ఇస్తే క్రీడలు మానసిక ఉల్లాసాన్ని అందిస్తాయన్నారు. అనంతరం విద్యార్థులకు క్రికెట్‌ కిట్లను, విద్యార్థినులకు షటిల్‌ బ్యాట్స్‌, కాక్స్‌, టెన్ని కోయిట్‌ రింగ్స్‌, స్కిప్పింగ్‌ రోప్‌ను అందజేశారు. అనంతరం పాఠశాల హెచ్‌ఎం కెవి.రాఘవన్‌ మాట్లాడుతూ ఇటువంటి కార్యక్రమాలు బ్యాంకు శాఖ ద్వారా చేపట్టడం అభినందనీయమని అన్నారు. క్రీడా కిట్లు అందజేసిన బ్రాంచ్‌ మేనేజర్‌, ఫీల్డ్‌ ఆఫీసర్‌ జగదీష్‌లకు కృతజ్ఞతలు తెలిపారు. ఈ కార్యక్రమంలో పాఠశాల ఉపాధ్యాయులు జూరెడ్డి చంద్రశేఖర్‌, బొరుసు బాలాజీ, కొంజర్ల దుర్గాప్రసాద్‌ పాల్గొన్నారు.
