ప్రజాశక్తి - నందవరం
వడ్డెరలకు అన్ని రంగాల్లోనూ రాజకీయ పార్టీలు ప్రాధాన్యతను కల్పించాలని అఖిల భారత వడ్డె ఓబన్న సేవా సమితి సంఘం సభ్యులు వడ్డె బాల నరసింహులు, అడ్వకేట్‌ ఉరుకుందు, జిల్లా అధ్యక్షలు వరుసు శ్రీనివాసులు తెలిపారు. ఆదివారం మండలంలోని నాగలదిన్నె గ్రామంలో నూతన కమిటీని ఏకగ్రీవంగా ఎన్నుకున్నారు. ఈ సందర్భంగా వారు మాట్లాడారు. వడ్డెరలు అన్ని రంగాల్లో రాణించినప్పుడే రాజకీయంగా ప్రాధాన్యత పొందుతారని తెలిపారు. వడ్డెరలకు ఓబన్న సేవలను ప్రతి ఒక్కరూ గుర్తించుకుని, ఓబన్న అడుగుజాడల్లో నడిచేందుకు కృషి చేయాలని కోరారు. అనంతరం నాగలదిన్నె గ్రామ అఖిల భారత వడ్డే ఓబన్న సేవా సమితి సంఘం నూతన కమిటీని ఏకగ్రీవంగా ఎన్నుకున్నారు. అధ్యక్షులు వడ్డె శ్రీనివాసులు, ఉపాధ్యక్షులు వడ్డె నాగరాజు, ప్రధాన కార్యదర్శిగా వడ్డె భీమన్న, కమిటీ సభ్యులుగా వడ్డె బజారి, ఎల్లప్ప, బాలరాజు, కృష్ణ, జమ్మన్న, ఉరుకుందు, నాగార్జున పాల్గొన్నారు.
