అసలు ఎక్కడిదీ
వాళ్ళకంత గుండె ధైర్యం
మిత్రుని ప్రశ్న...
ఎవరికన్నాను...
ఢిల్లీన నాగళ్ల నెత్తిన
పోరు సింగాలకు అన్నడు
అవును నిజమే...
ఎముకలు కొరికే చలిలో
నిప్పు కణికల్లా నిలబడుతూ
బారికేడ్ల ఇనుపకంచెలను
ఎడమ చేత్తో ఈడ్చి పారేస్తూ
టియర్‌ గ్యాస్‌ బాంబులను
చిరునవ్వుల్లో చల్లారుస్తూ
అరెస్టులు లాఠీచార్జీలకు
భయపడక ఎదురెలుతూ
కార్పొరేట్‌ శక్తులకు
దేశాన్ని దోచిపెట్టే
రైతు వ్యతిరేక చట్టాల రద్దుకు
దేశానికి అన్నం పెట్టేందుకు
యుద్ధం చేస్తున్నారు...
ఎవరిచ్చారు...ఎవర్ని చూసుకొని
వాళ్ళకంత గుండె ధైర్యం...
ఇంకెవరూ...
ఫాసిస్ట్‌ వలస
పాలననంతం జేయ
'ఇంక్విలాబ్‌ జిందాబాద్‌''అంటూ
చిరునవ్వుతో ఉరి నెక్కిన
ప్రపంచ విప్లవకారుడు
''షహీద్‌ భగతసింగ్‌''
అతనుకాక మరింకెవరూ....
- అమృతరాజ్‌
amrutharaj1427@gmail.com
