ప్రజాశక్తి - గణపవరం
క్రీడా రంగం అభివృద్ధికి సిఎం జగన్‌ కృషి చేస్తున్నారని ఎంఎల్‌ఎ శ్రీనివాసరావు(వాసుబాబు) అన్నారు. గణపవరం డిగ్రీ కాలేజీలో జరుగుతున్న చదరంగం పోటీలు రెండో రోజు బుధవారం వాసుబాబు ప్రారంభించి మాట్లాడారు. వైసిపి ప్రభుత్వం గ్రామస్థాయి నుంచి చదరంగం పోటీలను ప్రోత్సహిస్తుందన్నారు. విద్యార్థులు చదువుతో పాటు చదరంగంపై కూడా ఆసక్తి పెంచుకోవాలన్నారు. చదరంగం ఆడటం వల్ల మెదడు చురుకుగా పని చేస్తుందన్నారు. పోటీల్లో పాల్గొన్న క్రీడాకారులను ఆయన అభినందించారు. ఈ కార్యక్రమంలో కాలేజీ ప్రిన్సిపల్‌ పి.నిర్మలాకుమారి, వైస్‌ ప్రిన్సిపల్‌ వై.మధురాజు, గణపవరం సర్పంచి మూరా అలంకారం, కాలేజీ లెక్చరర్లు పాల్గొన్నారు.
