ఎప్పట్లా ఉగాది వస్తుంది.. పోతుంది..
షడ్‌ రుచుల ఉగాదిని ఆస్వాదించలేకపోతున్నాను
మాయదారి వైరస్‌ కారం మృత్యువు కలలో కూడా దడ పుట్టిస్తుంది
నిత్యావసర సరుకుల ధరల చేదు ముద్ద గొంతుక దిగటం లేదు
పెట్రోలు ఉప్పదనం మాట చెప్పక్కర్లేదు
వ్యాక్సినేషన్‌ తీపి అందరికీ అందటం లేదు
ఎండ వగరు బెంబేలెత్తిస్తుంది,
రైతుల నుదిటి రాతను చెరిపేసి నల్లచట్టాల పంగనామాలు కేంద్రం పెట్టేసింది
ఆంధ్రుల హక్కు విశాఖ ఉక్కును ప్రవేటు పరం చేయటం కొత్త చింత పండులా లేక చింత కలిగిస్తుంది
ప్రత్యేకహోదా కాకిగూడులో స్పెషల్‌ ప్యాకేజి గుడ్లు పెట్టి ఆంధ్రప్రదేశ్‌ కోకిలను పొదగ మంటుంది
కవిస్వరాలు ఉగాది పురస్కారాలు లేక మూగబోయాయి
కరోనా సెకండ్‌ వేవ్‌తో పంచాంగ శ్రవణం
చెవులకు చేరటం లేదు
ప్లవ నామ ఉగాదికి స్వాగతం ఎలా పలక గలను
- గాదిరాజు రంగరాజు
8790122275
