తుపాను హెచ్చరికతో రైతుల్లో ఆందోళన

ప్రజాశక్తి - వేపాడ :  మండలంలో పలు గ్రామాల్లో ఇప్పటికే వరి పంట కోతలతో బిజీగా ఉన్న రైతులపై తుపాను వార్త పిడుగులా పడింది. ప్రస్తుతం ఆకాశం మబ్బులు వేయడం, చిన్న చిన్న వర్షపు తుంపర్లు పడడంతోపాటు వాతావరణశాఖ హెచ్చరికలతో రైతులు ఆందోళన చెందుతున్నారు. ఈ వారంలో కోసిన వరిచేను ఎండకుండా కుప్పలుగా పెడితే కుళ్లిపోయే ప్రమాదం ఉందని, అలాగని వదిలేస్తే వర్షానికి తడిచి పంట మొలకలు వచ్చేస్తుందని భయాందోళన చెందుతు న్నారు. కొంతమంది రైతులు కోసిన పంటలను చిన్న చిన్న కుప్పలుగా పెట్టుకునే పనిలో నిమగమయ్యారు. ఎండకుండా కుప్పలు పెట్టడం వల్ల పెట్టిన పెట్టుబడి కూడా రాదని ఆందోళన వ్యక్తం చేస్తున్నారు.