ప్రజాశక్తి-విజయనగరం : శ్రీ చైతన్య విద్యా సంస్థలు ప్రతి నెలా నిర్వహించే 'స్మార్ట్‌ లివింగ్‌ ప్రోగ్రాం' లో భాగంగా శుక్రవారం రింగ్‌రోడ్డు పాఠశాలలో బీహెల్దీ.. బీ హ్యాపీ అనే నినాదంతో విద్యార్థులకు ఆహారం-ఆరోగ్యం పట్ల అవగాహన కల్పించారు. కార్యక్రమానికి ముఖ్య అతిథిగా విచ్చేసిన ఎన్‌ఆర్‌ఐ ఆస్పత్రి వైద్యులు ప్రణతి మాట్లాడుతూ విద్యార్థులు ఆరోగ్యం పట్ల తీసుకోవాల్సిన జాగ్రత్తలను వివరించారు. చైతన్య పాఠశాలల ప్రాంతీయ పర్యవేక్షకులు వి. శ్రీనివాసరావు మాట్లాడుతూ ఇలాంటి కార్యక్రమాలు విద్యార్థులకు ఎంతగానో దోహదపడతాయని అన్నారు. ప్రిన్సిపాల్‌ డాక్టర్‌ శ్రీధర్‌ బాబు మాట్లాడుతూ ప్రతినెలా విద్యార్థులకు అత్యంత ఉపయుక్తమైన కార్యక్రమాలను శ్రీ చైతన్య విద్యాసంస్థ నిర్వహిస్తున్నదని చెప్పారు. ఈ సందర్భంగా కొంతమందికి బిపి, షుగర్‌' స్థితిగతులను వైద్య బృందం తనిఖీలు చేశారు. కార్యక్రమంలో పలువురు ఉపాధ్యాయులు పాల్గొన్నారు.
