పతకంతో నిరంజన్‌
ప్రజాశక్తి-విజయనగరం : జాతీయ స్థాయి స్వ్కేర్‌ మార్షల్‌ ఆర్ట్స్‌ పోటీల్లో విజయ నగరం జిల్లా కు చెందిన నిరంజన్‌ ప్రసాద్‌ కాంస్య పతకం సాధించాడు. ఈనెల 7 నుంచి 9వరకు గోవాలో జరిగిన పోటీల్లో 216 మంది పాల్గొనగా, జిల్లాకు చెందిన నిరంజన్‌ మూడవ స్థానంలో నిలిచాడు. ఆంధ్రప్రదేశ్‌ నుంచి 8 మంది బాలురు, 8 మంది బాలికలు ఈ పోటీల్లో పాల్గొన్నారు. 58 కేజీల విభాగంలో కాంస్య పతకం సాధించిన నిరంజన్‌ ప్రసాద్‌ను సెట్విజ్‌ సిఇఒ రాంగోపాల్‌తో పాటు పలువురు అభినందించారు.
