ప్రజాశక్తి - నెల్లిమర్ల : దివంగత మాజీ జెడ్‌పిటిసి సింగుబాబు ఆశయ సాధనకు కృషి చేయాలని బొబ్బిలి నియోజకవర్గం టిడిపి ఇంఛార్జి బేబినాయన, విజయనగరం పార్లమెంటు టిడిపి అధ్యక్షులు కిమిడి నాగార్జున అన్నారు. మంగళవారం కొండవెలగాడలో టిడిపి సీనియర్‌ నాయకులు, మాజీ జెడ్‌పిటిసి దివంగత దంతులూరి శంకర సీతారామరాజు (సింగు బాబు) 73వ జయంతి వేడుకలు కుటుంబ సభ్యులు దంతలూరి అజరుబాబు, ఆర్యవర్మ, గ్రామస్థులు ఘనంగా నిర్వహించారు. ఈ సందర్భంగా రెడ్‌ క్రాస్‌, రోటరీ క్లబ్‌ ఆధ్వర్యంలో స్వచ్ఛంద రక్తదాన శిబిరం నిర్వహించారు. సింగుబాబు చిత్ర పటానికి పూల మాలలు వేసి నివాళులర్పించారు. అనంతరం వారు మాట్లాడుతూ సింగుబాబు లేని లోటుని పూడ్చలేనిదని గ్రామాన్ని అభివృద్ధి బాటలో నడిపించడం కాకుండా పదవి కాంక్ష లేకుండా మండలం అభివృద్ధికి పాటు పడిన వ్యక్తని కొనియాడారు. అజాత శత్రువుగా సింగు బాబు అన్ని వర్గాల ప్రజల అభిమానాన్ని చూరగొన్నారని ఆయన ఆశయ సాధనకు కృషి చేయాలని పిలుపు నిచ్చారు. కాగా శిబిరంలో 110 మంది రక్తదానం చేశారు. ఈ కార్యక్రమంలో టిడిపి జిల్లా నాయకులు ఐవిపి రాజు, టిడిపి సీనియర్‌ నాయకులు కంది చంద్రశేఖర రావు, ఇచ్చాపురం పరిశీలకులు సువ్వాడ రవి శేఖర్‌, చీపురపల్లి నియోజకవర్గం మాజీ ఇంఛార్జి కె.త్రిమూర్తుల రాజు, డెంకాడ, నెల్లిమర్ల, భోగాపురం టిడిపి మండల అధ్యక్షులు పల్లె భాస్కర్‌ రావు, కడగల ఆనంద్‌ కుమార్‌, కర్రోతు సత్యనారాయణ, పతివాడ అప్పలనాయుడు, కలిదిండి పాణీరాజు, అధికార ప్రతినిధి గేదల రాజారావు, పతివాడ శివరామ విద్య సాగర్‌ నాయుడు, విమల రాణి, లెంక అప్పలనాయుడు, రాజప్పన్న, అవనాపు సత్యనారాయణ, నల్లం శ్రీను, కాళ్ళ రాజశేఖర్‌, మొయిద సీతం నాయుడు, కొండ వెలగాడ గ్రామ ప్రజలు పాల్గొన్నారు.
