ప్రజాశక్తి-విజయనగరం : సీతం ఇంజనీరింగ్‌ కళాశాలలో డాక్టర్‌ రెడ్డీస్‌ ల్యాబ్‌రేటరీ ఆధ్వర్యాన బుధవారం ప్రాంగణ నియామకాలు చేపట్టారు. విజయనగరం, విశాఖపట్నం, శ్రీకాకుళం జిల్లాల్లో బిఎస్‌సి, డిప్లొమా చదివిన విద్యార్థులు హాజరయ్యారు . వీరికి స్క్రీనింగ్‌ పరీక్ష నిర్వహించి అందులో ఉత్తీర్ణులైన వారికి ఇంటర్వ్యూ నిర్వహించి ఎంపిక ేసుకున్నారు. ఇందులో సుమారు 800 మంది హాజరుకాగా, 220 మంది ని తీసుకున్నట్టు తెలియజేసారు. ఈ ఎంపిక ప్రక్రియను లీడ్‌ ఎంప్లారు రిలేషన్స్‌ అధిపతి డి.లక్ష్మి దీపక్‌, మేనేజర్‌ ఎల్‌అండ్‌టి లక్ష్మి దుర్గ ఆధ్వర్యంలో నిర్వహించారు. కళాశాల డైరెక్టర్‌ డాక్టర్‌ మజ్జి శశిభూషణ రావు మాట్లాడుతూ ఈ ఏడాది మూడోసారి ప్రాంగణ నియామకాల ద్వారా ఎంపికచేసుకున్నారని తెలిపారు. ప్రిన్సిపాల్‌ డాక్టర్‌ డి.వి.రామ మూర్తి తదితరులు పాల్గొన్నారు.
సీతంలో భవిష్య 2.0 ఇంటర్నషిప్‌ ప్రోగ్రాం
సీతం ఇంజనీరింగ్‌ కళాశాలలో బిబిఎ, ఎం.కామ్‌, ఎంబిఎ చదివే విద్యార్థులకు రిలయన్స్‌ రిటైల్స్‌ స్టోర్స్‌ ప్రాజెక్టు లీడ్‌ ముబీనా షేక్‌ ఇంటర్నషిప్‌ ప్రోగ్రాం భవిష్య 2.0 గురించి వివరించారు. విద్యార్థులు నూత వ్యాపారాలు ప్రారంభించేందుకు, రిటైల్‌ రంగంలో పనిచేసేందుకు కావలసిన నైపుణ్యం పెంపొందించుకోవటానికి శిక్షణ అందిస్తామని తెలిపారు.
