Oct 14,2023 20:27

రాష్ట్ర స్థాయి విజేతగా నిలిచిన అండర్‌-17 బాలుర జట్టు

ప్రజాశక్తి-విజయ.నరంటౌన్‌ : అండర్‌ 17 స్కూల్‌ గేమ్స్‌ విభాగంలో విజయనగరం జిల్లా జట్టు రాష్ట్ర విజేతగా నిలిచి జాతీయపోటీలకు అర్హత సాధించింది. కడపలో ఈనెల 7 తేది నుంచి 9 తేది వరకు జరిగిన పోటీల్లో బాలుర జట్టు ఫైనల్‌లో పశ్చిమగోదావరి జట్టుపై గెలిచి జిల్లా పతకాన్ని ఎగురవేసింది. బాలికల విభాగంలో జిల్లా జట్టు క్వార్టర్‌ ఫైనల్‌ వరకు వెళ్లింది. జిల్లా జట్టును రాష్ట్రంలో మొదటి స్థానంలో నిలిపిన క్రీడాకారుల్లో బాలురు విభాగంలో బోగి రంజిత్‌ కుమార్‌, బి. అభిషేక్‌లు జాతీయ పోలకు రాష్ట్రజట్టులో ప్రాతినిధ్యం వహించనున్నారు. బాలికల విభాగంలో జి.ప్రవళ్లిక, ఎం.విజయలక్ష్మి రాష్ట్ర జట్టులో చోటు దక్కించుకున్నారు. బాలుర విభాగంలో జాతీయ పోటీలు ఈనెల 29 నుంచి నవంబర్‌ 4తేది వరకు జమ్ముకాశ్మీర్‌లోను, బాలికల విభాగంలో పోటీలు నవంబర్‌లో తమిళినాడులోను జరగనున్నాయి. ఈనేపథ్యంలో జాతీయ పోటీలకు ఎంపికైన క్రీడాకారులు అభిప్రాయాలను ప్రజాశక్తికి వివరించారు.
జాతీయ పోటీలకు ఎంపికవ్వడం గర్వంగా ఉంది
మారుమూల గ్రామాంలో పుట్టిన నేను జమ్మూకాశ్మీర్‌లో జరిగే జాతీయ పోటీలకు ఎంపిక కావడం గర్వంగా ఉంది.పారాది హైస్కూల్‌లో చదువుతున్న నాకు రాష్ట్ర పోటీల్లో పాల్గొనిజిల్లాను విజేతగా నిలపవడంలో నాకు మంచి అవకాశం వచ్చింది. జాతీయ పోటిల్లో రాష్ట్ర జట్టును విజయపథంలో నడిపిస్తాను. నాలో ప్రతిభను గుర్తించి బోగాపురం హైస్కూల్‌ మైదానంలో నాకు శిక్షణ ఇచ్చి ప్రోత్సహించిన వాలీబాల్‌ కోచ్‌ చిన్నారి మాష్టారు కృషే ఇందుకు కారణం.
బి.రంజిత్‌కుమార్‌, పారాది
జాతీయ పోటిల్లో సత్తాచాటుతా
రాష్ట్ర జట్టుకు ఎంపిక కావడం, జాతీయ పోటిల్లో అవకాశం లభించడం ఆనందంగా ఉంది. జాతీయ పోటీల్లో బాగా ఆడి సత్తా చాటుతాం. నాలో ఉన్న ప్రతిభను గుర్తించి మా పాఠశాల వ్యాయామ ఉపాధ్యాయులు స్కూల్‌ గేమ్స్‌ పోటీల్లో పాల్గొనేలా చేవారు. రాష్ట్ర విజేతగా నిలిచిన స్పూర్తితో జాతీయ పోటీల్లో రాణించి రాష్ట్రానికి పేరు తెస్తాను.
భౌరౌతు అభిషేక్‌, బలిజిపేట
అవకాశాన్ని సద్వినియోగం చేసుకుంటా
జాతీయ పోటీల్లో పాల్గొనేందుకు వచ్చిన అవకాశాన్ని సద్వినియోగం చేసుకుంటాను. నన్ను ప్రోత్సహించి ఈ రోజు జాతీయ పోటిల్లో పాల్గొనే అవకాశం వచ్చిందంటే ఉపాధ్యాయులు అందించిన కృషే కారణం. తమిళనాడులో వచ్చే నెలలో జరిగే పోటీల్లో బాగా ఆడి మరింత గుర్తింపు తెచ్చుకుంటాను.
జి.ప్రవల్లిక, బొబ్బిలి
ఆనందంగా ఉంది
వాలీబాల్‌ జాతీయ పొటీలకు ఎంపిక కావడం ఆనందంగా ఉంది. రాష్ట్ర, జాతీయ స్థాయిలో ఎలా ఆడాలనేది వ్యాయామ ఉపాధ్యాయులు శిక్షణ ఇచ్చి ప్రోత్సహించారు. జాతీయ పోటీల్లో రాణించి జిల్లా ప్రతిష్టను చాటి చెబుతాం. తమను ప్రోత్సహించిన వ్యాయామ ఉపాధ్యాయుల ఆశలను నెరవేరుస్తాం.
ఎం. విజయలక్ష్మి , గుర్ల మండలం, జమ్ముపేట

˜ోటో.. రాష్ట్ర విజేతగా నిలిచిన అండర్‌ 17 బాలురు జట్టు దృశ్యం.
2.. క్రీడాకారులు పాస్‌పోటోలు..