ప్రజాశక్తి-విజయనగరం టౌన్‌ : విద్యార్థుల్లో శాస్త్రీయ ఆలోచనను పెంపొందించుకోవాలని డిప్యూటీ డిఇఒ కె.వాసుదేవరావు అన్నారు. విజయనగరం డివిజన్‌ సైన్స్‌ ఉపాద్యాయుల అవగాహన సదస్సు పూల్‌బాగ్‌లోని శ్రీ చలపతి ఇంగ్లీషు మీడియం స్కూల్‌లో మంగళవారం జరిగింది. 215 మంది సైన్స్‌ ఉపాధ్యాయులు పాల్గొన్నారు. జిల్లా సైన్స్‌ సమన్వయకర్త యం.కృష్ణారావు అధ్యక్షతన జరిగిన ఈ ఈ సదస్సులో డిప్యూటీ డిఇఒ మాట్లాడారు.
ఉపాద్యాయులు సమాజ శ్రేయస్సు కోరి ప్రాజెక్టులు తయారు చేయించాలన్నారు. శాస్త్రీయ దక్పథం పెంచే విధంగా విద్యార్థులను తయారు చేయాలన్నారు. 31వ జాతీయ బాలల సైన్స్‌ కాంగ్రెస్‌ ప్రధాన అంశంగా ఆరోగ్యం, సంక్షేమం కోసం పర్యావరణ వ్యవస్థను అర్ధం చేసుకోవటం. పర్యావరణ వ్యవస్థ గూర్చి తెలుసుకోవడం, ఆరోగ్యం పోషణ, సంక్షేమాన్ని పెంపొందించడం, పర్యావరణ వ్యవస్థ మరియు ఆరోగ్యం కోసం సామాజిక మరియు సాంస్కతిక పద్దతులు వంటి అంశాలు ఉన్నాయని తెలిపారు. రిసోర్స్‌ పర్సన్‌ లుగా టి.రాజేష్‌, బి.వేణు, ఎ.సురేంద్ర, ఎస్‌. రామ, కె. సురేష్‌ కుమార్‌, పాఠశాల కరస్పాండెంట్‌ రాజేష్‌, ఉపాధ్యాయులు పాల్గోన్నారు .
