Nov 03,2023 20:27

జెడ్‌పి చైర్మన్‌ శ్రీనివాసరావు

ప్రజాశక్తి-విజయనగరంటౌన్‌ :  ప్రతి రైతుకూ ప్రభుత్వం అండగా ఉంటుందని జెడ్‌పి చైర్మన్‌ మజ్జి శ్రీనివాసరావు అన్నారు. జిల్లా అధికార యంత్రాంగం, ప్రజా ప్రతినిధులు, ప్రజల సహాయ సహకారాలతో వైభవంగా విజయనగరం ఉత్సవాలు, పైడితల్లి అమ్మ వారి జాతరను విజయవంతం చేసిన ప్రతి ఒక్కరికి ప్రతి ఒక్కరికి ధన్యవాదాలు తెలిపారు. శుక్రవారం స్థానిక జెడ్‌పి సమావేశ మందిరంలో ఏర్పాటు చేసిన విలేకరుల సమావేశంలో ఆయన మాట్లాడారు. శనివారం ఎస్‌.కోట నియోజకవర్గంలో జరగబోయే సామాజిక బస్సుయాత్రను జయప్రదంచేయాలన్నారు. వాతావరణంలో మార్పులు, ఊహించినంత వర్షపాతం లేని కారణంగా రైతాంగం వ్యవసాయ సాగులో ఇబ్బంది పడుతున్న విషయాన్ని ప్రభుత్వ దృష్టికి తీసుకెళ్లామని, పంటల బీమా ద్వారా ప్రభుత్వం ఆదుకుంటుందని తెలిపారు. సమావేశంలో వైసిపి నాయకులు పాల్గొన్నారు.