ప్రజాశక్తి-విజయనగరం టౌన్‌ : రాజకీయ లబ్ధికోసమే టిడిపి నాయకులు, కటుంబ సభ్యులు చంద్రబాబునాయుడు ఆరోగ్యంపై డ్రామాలు ఆడుతున్నారని రాష్ట్ర విద్యాశాఖా మంత్రి బొత్స సత్యనారాయణ అన్నారు. చంద్రబాబుకు నిజంగా ఆరోగ్యం బాగోలేకపోతే కోర్టులో ఎందుకు పిటిషన్‌ వేయలేదని ప్రశ్నించారు. శనివారం ఎమ్మెల్యే అప్పలనర్సయ్య నివాసంలో ఏర్పాటు చేసిన విలేకర్ల సమావేశంలో మంత్రి మాట్లాడారు. మూడు రోజులు నుంచి టిడిపి నాయకులు కొత్త డ్రామాలు మొదలు పెట్టారని, చంద్రబాబుకు సరైన వైద్యం అందడం లేదని, ఆరోగ్యం క్షీణించిందని రక రకాల కారణాలు చెప్పి డ్రామాలు ఆడుతున్నారని అన్నారు. ఆయన ఆరోగ్యం బాగోలేదంటే మెరుగైన వైద్యం కోసం అనుమతి ఇవ్వాల్సింది ప్రభుత్వమా? కోర్టా? అని ప్రశ్నించారు. కోర్టులో పిటిషన్‌ వెయ్యకుండా డ్రామాలు ఎందుకు ఆడుతున్నారని ప్రశ్నించారు. మరో వైపు శుక్రవారం రాత్రి ఒక సామాన్య వ్యక్తితో నాకు ఫోన్‌ చేయించి 'చంద్రబాబు ఏ తప్పూ చేయలేదు కదా మీకు తెలుసు కదా ఆయనను జైలు నుంచి విడిచి పెట్టండి అయ్యా' అంటూ ఏడుస్తూ మాట్లాడించారని, ఆయన తప్పు చేశాడా లేదా అన్నది కోర్టులో తెలుస్తుందని తాను చెప్పానని అన్నారు. ఆ వ్యక్తి నాతో మాట్లాడింది ఉదయం లేచేసరికి ఆయనకు వత్తాసు పలికిన మీడియాలో పేపర్లలో, టివి ఛానల్‌ల్లో ఎందుకు వచ్చిందని, పదే పదే దానిని చూపించడం వెనుక డ్రామాలు ఏమిటని ప్రశ్నించారు. దీనివెనుక టిడిపి నాయకులు, పచ్చ మీడియా హస్తం ఉదా లేదా అని ప్రశ్నించారు. ఇటువంటి డ్రామాలు ఆడి ప్రజల్లో లబ్ది పొందాలని చూస్తున్నారన్నారు. ఇటువంటి డ్రామాలు ఆడి ప్రజల్లో పార్టీని దిగా జార్చుడకు తీసుకురావద్దని టిడిపి నాయకులకు హితవు పలికారు. ఎవరూ చేసిన ఫోన్‌చేసినా మాట్లాడే అలవాటు తనకుందన, ఇటువంటి ఫోన్లు చేసి ఇలా ప్రచారం చేయడం వల్ల నిజంగా ఎవరికైనా ఏదైనా పని కోసం ఫోన్‌ చేస్తే ఫోన్‌ లిఫ్ట్‌ చెయ్యకపోతే ఇబ్బంది పడరా అని ప్రశ్నించారు. ఇటువంటి డ్రామాలు ఆడించిన ఛానల్‌ యాజమాన్యంపై ఎందుకు చట్టపరంగా చర్యలు తీసుకోకూడదని ప్రశ్నించారు.
మరో పక్క చంద్రబాబు ఆరోగ్యం బాగులేకపోతే అశోక్‌ గజపతిరాజు భువనేశ్వరితో ములాఖత్‌లో వారి ముఖాల్లో ఆనందం చూస్తే తెలుగుదేశం నాయకుల డ్రామాలు ప్రజలకు అర్థమవుతాయని అన్నారు. 100కు 200 శాతం చంద్రబాబు స్కిల్‌ డెవలప్మెంట్‌ పేరుతో అవినీతికి పాల్పడ్డారని అన్నారు. చంద్రబాబుకు కనీసం నీరు కూడా ఇవ్వరా అని అశోక్‌ గజపతిరాజు నీతి కబుర్లు చెప్పడం హాస్య స్పదంగా ఉందన్నారు. టిడిపి నాయకులు బెయిల్‌ కోసం కృషి చేయడం లేదని, ఇలా జైల్లో చంద్రబాబును ఉంచి రాజకీయ లబ్ధి పొందాలని చూస్తున్నారని అన్నారు. రాష్ట్ర పరిపాలన విశాఖ నుంచి వేగంగా జరగాలని కోరుకుంటున్నానని, రెండు రోజులు తర్వాత ముఖ్యమంత్రి విశాఖ వస్తున్నారని విలేకర్లు అడిగిన ప్రశ్నకు సమాధానం చెప్పారు.
