ప్రజాశక్తి-విజయనగరం టౌన్‌ : దక్షిణాఫ్రికాలోని ప్రిటోరియాలో ఇటీవల ముగిసిన 5వ ప్రపంచ టెన్ని కాయిట్‌ ఛాంపియన్‌ షిప్‌ పోటీల్లో మన దేశం తరఫున పాల్గొని స్వర్ణ పతకం సాధించిన జట్టులో సభ్యురాలిగా వున్న జిల్లాకు చెందిన క్రీడాకారిణి రెడ్డి మౌనికను కలెక్టర్‌ ఎస్‌ నాగలక్ష్మి అభినందించారు. డబుల్స్‌ విభాగంలో ౠమె కాంస్య పతకం సాధించింది. భవిష్యత్తులో మరిన్ని విజయాలను సాధిస్తూ జిల్లాకు ఖ్యాతిని తీసుకు రావాలని కలెక్టర్‌ ఆకాంక్షించారు. జిల్లా కబడ్డీ సంఘం కార్యదర్శి కోరాడ ప్రభావతి మౌనికను అభినందిస్తూ అందజేస్తున్న రూ.25వేల నగదు ప్రోత్సాహకాన్ని కలెక్టర్‌ ద్వారా ఇచ్చారు. కార్యక్రమంలో కోచ్‌ మత్స్య రామారావు, మీసాల శ్రీనివాస రావు, శివప్రసాద్‌, గౌరీశంకర్‌, తిరుపతి రావు తదితరులు పాల్గొన్నారు.
ఖోఖో క్రీడాకారులకు అభినందన
ఈనెల 4 నుంచి నాలుగురోజులుపాటు గోవాలో జరిగిన 37వ నేషనల్‌ గేమ్స్‌ ఖోఖో ఛాంపియన్‌ షిప్‌ పోటీల్లో మన రాష్ట్రం తరఫున విజయనగరం జిల్లా నుండి పి.నరసయ్య (ముంజేరు), ఎల్‌.సురేశ్‌(లోగిస)పాల్గొన్నారు. ఈ పోటీల్లో రాష్ట్రం బ్రాంచ్‌ మెడల్‌ సాధించింది. ఈనేపథ్యంలో కలెక్టర్‌ను మర్యాద పూర్వకంగా ఖోఖో క్రీడాకారులు, ఖోఖో అసోసియేషన్‌ కార్యదర్శి చింత సత్యనారాయణ, ట్రెజరర్‌ మల్లికార్జునరావు, ఆర్గనైజింగ్‌ కార్యదర్శి గోపాల్‌, కె.ప్రభావతి, కలిశారు. ఈ సందర్భంగా వారిని కలెక్టర్‌ అభినందించారు.
