ప్రజల ముంగిటకేవైద్యసేవలు

ప్రజాశక్తి-విజయనగరం టౌన్‌ :  జగనన్న ఆరోగ్య సురక్ష ద్వారా ప్రజల ముంగిటకే వైద్య సేవలు అందుతున్నాయని డిప్యూటీ స్పీకర్‌ కోలగట్ల వీరభద్రస్వామి అన్నారు. నగరంలోని 29వ డివిజన్‌ పరిధి ఎంఎస్‌ఎన్‌ కాలనీలో శుక్రవారం జరిగిన జగనన్న ఆరోగ్య సురక్ష కార్యక్రమాన్ని ఆయన పరిశీలించారు. వైద్య సేవలపై ఆరా తీశారు. అనంతరం ఆయన మాట్లాడుతూ ముఖ్యమంత్రి ప్రజారోగ్యానికి పెద్ద పీట వేస్తూ.. గ్రామీణ, పట్టణ ప్రాంత ప్రజల ఇంటి వద్దకే వైద్య సిబ్బందిని పంపించడం గొప్ప విషయమన్నారు. పేద, మధ్య తరగతి ప్రజలకు ఆరోగ్య సురక్ష కార్యక్రమం ఒక వరమన్నారు. కార్యక్రమంలో మేయర్‌ విజయలక్ష్మి , వైసిపి యువజన విభాగం నాయకులు జి.ఈశ్వర్‌ కౌశిక్‌ , స్ధానిక నాయకులు, అధికారులు పాల్గొన్నారు.