ప్రజాశక్తి- డెంకాడ : 56 జాతీయ గ్రంథాలయ వారోత్సవాల్లో భాగంగా గురువారం స్థానిక శాఖా గ్రంథాలయంలో గ్రంథాలయ ఉద్యమ నాయకులు సేవలను గ్రంథాలయాధికారి మహేష్‌ వివరించారు. అయ్యంకి వెంకట రమణయ్య, గాడిచర్ల హరిసర్వోత్తమరావు, పాతూరి నాగభూషణం చేసిన గ్రంథాలయ ఉద్యమాలు గురించి పాఠకులకు వివరించారు.
శృంగవరపుకోట: విజ్ఞానం ద్వారానే యువతకు భవిత ఏర్పడుతుందని శాఖా గ్రంథాలయాధికారి దామోదర శ్రీధర్‌ అన్నారు. స్థానిక శాఖా గ్రంథాలయంలో 56వ జాతీయ గ్రంథాలయ వారోత్సవాలలో భాగంగా గురువారం గ్రంథాలయ ఉద్యమకర్తలు పాతూరు నాగభూషణం, అయ్యంకి వెంకట రమణయ్య, ఎస్‌ఆర్‌. రంగనాథన్‌లను స్మరిస్తూ వారి జీవిత చరిత్రను విద్యార్థులకు వివరించారు. ఈ కార్యక్రమంలో ప్రభుత్వ ఉన్నత పాఠశాల తెలుగు టీచర్‌ మల్లేశ్వరరావు, బొడ్డవర స్కూల్‌ టీచర్‌ ఎస్‌. శ్రీదేవి, విద్యార్థులు తదితరులు పాల్గొన్నారు.
పూసపాటిరేగ: మండల కేంద్రంలోని శాఖా గ్రంథాలయంలో 56వ జాతీయ గ్రంథాలయ వారోత్సవాలు ఘనంగా జరుగుతున్నాయి. నవంబర్‌ 14వ తేదిన చిడ్రన్‌ డే సందర్బంగా వారోత్సవాలను ఘనంగా ప్రారంబించారు. రోజూవారి కార్యక్రమాలు నిర్వహిస్తున్నారు. బుధవారం పుస్తక పఠనం కార్యక్రమం నిర్వహించారు. గురువారం గ్రంథాలయ ఉద్యమ నేతలు ఎస్‌ఆర్‌ రంగనాధన్‌, పాతూరి నాగభూషణం, అయ్యంకి వెంకటరమయ్య, గాడిచర్ల హరివొత్తరావు మొదలగు ప్రముఖల చిత్ర పటాలకు పూలమాలలు వేసి, నివాలర్పించారు. ఈ సందర్బంగా గ్రంథాలయ నిర్వాహకుడు పి. నాగేశ్వరావు మాట్లాడుతూ ఎంతో మంది త్యాగ దనుల ఫలితమే ఈ గ్రంథాలయాలు అన్నారు. గ్రంథాలయ ఉద్యమం విశిష్టతను విద్యార్ధులకు వివరించారు.
