సవాళ్లకు వ్యతిరేకంగా పోరాడటానికి, వాటిని అధిగమించి జీవితంలో ముందుకు సాగడానికి ప్రతి ఒక్కరికీ బలం ఉంటుందని అంకిత అభిప్రాయపడ్డారు. అనేక ఇంటర్వ్యూల్లో ఆమెను తిరస్కరించినా, నిరాశ చెందకుండా తనను ఆ నమ్మకమే ముందుకు నడిపింది. 'మనందరికీ పోరాడటానికి బలం ఉంటుంది. ఇది మన లోపల దాగి ఉంటుంది. ఈ బలాన్ని బయటకు తీసి, మండించడానికి మనకు ధైర్యం, సంకల్పం అవసరం' అని 38 ఏళ్ల అంకితా షా చెబుతోంది. అంకితా అహ్మదాబాద్‌లోని మొట్టమొదటి విభిన్న సామర్థ్యం గల మహిళా ఆటో డ్రైవర్‌. ఆమె ఎందరికో ప్రేరణగా నిలుస్తున్నారు.
'నన్ను అనేక ఉద్యోగ ఇంటర్వ్యూల్లో తిరస్కరించారు. నేను చిన్న పట్టణం నుండి వచ్చినందు వల్ల లేదా ఇంగ్లీషులో నిష్ణాతురాలిని కానందున కాదు. కేవలం నా ప్రొస్తెటిక్‌ లింబ్‌ కారణంగా వారు నన్ను తిరస్కరించారు. కొంతమంది ఏకంగా తమ సంస్థలో పనిచేసే భిన్నమైన సామర్థ్యం ఉన్న వ్యక్తిని చూడటం వారి ప్రతిష్టకు 'కళంకం' తెస్తుందని నేరుగానే చెప్పారు' అని అంకిత తెలిపారు.
తన జీవితంలో ఎదుర్కొన్న ఘటనల గురించి మాట్లాడుతూ 'నేను పోలియో చేతిలో కుడి కాలు కోల్పోయినప్పుడు నాకు ఒక సంవత్సరం వయసు మాత్రమే. దానిని విచ్ఛిన్నం చేయాల్సి వచ్చింది. ఎకనామిక్స్‌లో బ్యాచిలర్‌ డిగ్రీ పూర్తి చేశాను. ఏదో ఒకటి చేయమని నా కుటుంబం ప్రోత్సహించడం నా అదష్టం. అయితే ప్రపంచం అంత ప్రోత్సాహకరంగా లేదు. తరువాత సంవత్సరంలో పీజీ పూర్తి చేయడం ఆర్థికంగా కష్టమైంది. దీంతో 2009లో ఉపాధి కోసం గుజరాత్‌లోని పాలితానాలోని మా స్వస్థలం నుండి అహ్మదాబాద్‌కు వలస వచ్చాను.'
ఏడుగురు కుటుంబ సభ్యుల్లో పెద్ద బిడ్డగా తనకు అనేక బాధ్యతలు ఉన్నాయి. ఆఫర్‌ వచ్చినప్పుడు ఆమె తనకు లభించిన ఏ ఉద్యోగాన్ని అయినా అంగీకరించింది - అది కాల్‌ సెంటర్‌ లేదా రియల్‌ ఎస్టేట్‌ సంస్థ, హోటళ్లలో, ఇళ్లలో పనిమనిషిగా కూడా ఆమె అంగీకరించింది. కానీ ఈ ఉద్యోగాలు ఏవీ ఆమె సామర్థ్యానికి లేదా అర్హతకు సరిపోలలేదు. ఆమె మరింత అర్హురాలినని ఆమెకు తెలుసు. అయినా మనుగడ కోసం అనేక ఉద్యోగాల ద్వారా పనిచేసి దాదాపు పదేళ్ల తరువాత, ఆమె తన జీవితాన్ని మెరుగుపరచుకోవాలని నిర్ణయించుకుంది.
2019లో తన తండ్రికి పేగు క్యాన్సర్‌ ఉన్నట్లు నిర్ధారణ అయింది. దీంతో తన జీవితాన్ని, వత్తిని తిరిగి అంచనా వేయాల్సిన పరిస్థితి ఏర్పడింది. 'నేను ఆర్థికంగా స్వతంత్రంగా ఉండాల్సిన అవసరం తలెత్తింది. కానీ ఎవరి దయ, జాలి చూపలేదు. నా తండ్రి చికిత్సతో పనిని సమతుల్యం చేయాల్సిన అవసరం ఏర్పడింది. పూర్తి స్థాయిలో ఉద్యోగం అందుకు సహకరించదు. కాబట్టి, నేను స్వంతంగా ఏదైనా ప్రారంభించాలని నిర్ణయించుకున్నాను' అని అంకిత చెబుతోంది. అదే సంవత్సరంలో ఆటో రిక్షా నడపడం ప్రారంభించింది.
భిన్న సామర్థ్యం ఉన్న లాల్జీ బారోట్‌ అనే స్నేహితుడు, తోటి ఆటో డ్రైవర్‌ సహాయంతో ఆమె డ్రైవింగ్‌ నేర్చుకోవడం ప్రారంభించింది. చేతితో పనిచేసే బ్రేక్‌లతో అనుకూలీకరించిన ఆటో-రిక్షాను ఇచ్చి అతను అంకితకు సహాయం చేశాడు. 'ప్రతి రోజూ ఉదయం, నేను ఉదయం 10.30 గంటలకు బయలుదేరి, రాత్రి 8.30 గంటల వరకూ చందేడ, కలుపూర్‌ రైల్వే స్టేషన్‌ మధ్య ప్రయాణీకులను చేరవేస్తాను. నా తండ్రిని చూసుకోడానికి అవసరమైన రోజుల్లో సమయాలను సర్దుబాటు చేసుకోవచ్చు. ఆటో డ్రైవింగ్‌ నాకు ఈ పద్ధతిలో సరళంగా ఉండటానికి వీలు కల్పిస్తుంది. ఇందుకు నా ఆటోకు ధన్యవాదాలు, నేను గతంలో ఉద్యోగాలు చేసిన సమయాల్లో సంపాదించిన మొత్తం కన్నా రెట్టింపు సంపాదిస్తున్నాను. నా ఆదాయాన్ని మరింత పెంచుకోడానికి, నేను క్యాబ్‌ అగ్రిగేటర్‌ ప్లాట్‌ఫామ్‌లో కూడా చేరాను.' అని అంకిత చెబుతోంది. ఆటో నడపడం వల్ల అంకిత నెలకు రూ.25 వేలు సంపాదిస్తుంది.
కుటుంబానికి ఆసరాగా నిలిచిన అంకిత అనేకమంది తనలాంటి వారికి స్ఫూర్తిగా నిలుస్తుంది. ఆమె తండ్రి ఆరోగ్యం మెరుగుపడింది. ఆయన మద్దతుతో ఆమె గతంలో కంటే మానసికంగా బలంగా ఉంది. 'నా కథ మహిళలు, విభిన్న సామర్థ్యం ఉన్నవారికి స్ఫూర్తినిస్తుందని నేను ఆశిస్తున్నాను, అది వారిలోని సామర్థ్యాన్ని గుర్తు చేస్తుందని ఆశిస్తున్నాను. అదే మనకు పెద్ద బలం అని గ్రహించాలని, మనల్ని మనం నమ్మడం వల్లే మనం బలంగా ఉండగలం' అని ఆమె చెబుతోంది.
