డివిజి శంకరరావుకు వినతి అందిస్తున్న గిరిజనులు
ప్రజాశక్తి-విజయనగరం : పోడు భూముల సమస్యను పరి ష్కరించాలని బుధవారం కొండకరకం, దేవుని కనపాకకు చెందిన గిరిజనులు రాష్ట్ర ఎస్‌టి కమిషన్‌ చైర్మన్‌ డివిజి శంకరరావుకు వినతిపత్రం అందజేశారు. సుమారు 200 గిరిజన కుటుంబాలు పోడు వ్యవసాయం నమ్ముకొని ఉన్నాయని వారు తెలిపారు. జగనన్న కాలనీ కోసం డి పట్టా భూములు తీసుకుని, మూడేళ్లయినా నేటికీ నష్టపరిహారం అందలేదని వారు వాపోయారు. ఈ సందర్భంగా చైర్మన్‌ మాట్లాడుతూ పోడు భూముల సమస్యను ప్రభుత్వ దృష్టికి తీసుకువెళ్తానని హామీ ఇచ్చారు.
