పాఠశాలకు డ్రమ్ములు అందజేత

ప్రజాశక్తి - లింగసముద్రం : లింగసముద్రంలోని కమ్మిశెట్టి రామయ్య జిల్లా పరిషత్‌ ఉన్నత పాఠశాలలో విద్యార్థులకు పాఠశాల 2001-02 పదో తరగతి బ్యాచ్‌ పూర్వ విద్యార్థి సంగా సురేష్‌ మంచినీటి డ్రమ్ములను అందజేశారు. మంగళవారం పాఠశాలలో జరిగిన కార్యక్రమంలో వీటిని పాఠశాల ప్రధానోపాద్యాయులు ఉమ్మడిశెట్టి మాధవరావుకి అందజేశారు. విద్యార్థులకు మంచినీటి అవసరాల కోసం నాలుగు స్టీల్‌ డ్రమ్ములను ఇచ్చారు. ఈ సందర్భంగా హెచ్‌ఎం మాధవరావు మాట్లాడుతూ పాఠశాల అభివృద్ధికి పూర్వ విద్యార్థుల సహకారం ఎంతో అవసరమన్నారు. అడిగిన వెంటనే డ్రమ్ములను సమకూర్చిన సంగా సురేష్‌కు హెచ్‌ఎం, ఉపాధ్యాయులు అభినందనలు తెలిపారు. వివిధ స్థాయిలో స్థిరపడిన పూర్వ విద్యార్ధులు పాఠశాల అభివృద్ధికి సహకరించాలని ప్రధానోపాధ్యాయులు మాధవరావు కోరారు.ఉపాధ్యాయులు కిలారి వెంకటేశ్వర్లు, కొండయ్య పాల్గొన్నారు.