ముసిరిన మేఘాలు చెదరేసినట్లు
కమ్మిన రాబందుల తరిమేసినట్లు
జాబిలిని తెచ్చి వెలుగు పంచినట్లు
యాభైకు పెంచి ఐదు తెంచే పూతకు
ఎంతెంత అధికార హంగామాలు?
ఎన్నెన్ని పాలక దళ 'పెట్రో' డ్రామాలు?
అన్నీ 'ఓట్ల మోత' గేములేగా?
పెంచే దోవ, తగ్గించే తోవ మీదేనంటే
అంతా అంతర్జాతీయమేనంటూ
నియంత్రణ అస్త్రం జమ్మి చెట్టెక్కించి
గజం మిథ్య.. పలాయనం మిథ్య
వాయిద్యాలు వాయించిన ఆ పెద్దలే
పెట్రో ధర పెంచేదీ తగ్గించేదీ తామే
అని ఇప్పుడు డప్పులు వాయించి
గొప్పల చెప్పులేసుకు గెంతడం వింతే
అందరికీ తెలుసు ఇది ఎన్నికల తంతే
ఏదైనా అధికారం ఆట సాగినంత వరకే
ఉన్నం వెంకటేశ్వర్లు
87900 638814
