ప్రజాశక్తి-శృంగవరపుకోట : జగన్‌ ప్రభుత్వంలో నాలుగేళ్లలో రాష్ట్రాన్ని సర్వనాశనం చేసిందని మాజీ ఎమ్మెల్యే కోళ్ల లలితకుమారి విమర్శించారు. ఎస్‌.కోట పట్టణంలో 'మీతోనే మేము.. భవిష్యత్తుకు గ్యారంటీ' కరపత్రాలను గురువారం ఆమె ఇంటింటికీ పంపిణీ చేశారు. కార్యక్రమంలో టిడిపి మండల అధ్యక్షులు జి.ఎస్‌.నాయుడు, పెదగాడ రాజు, కాపుగంటి వాసు, మల్లేశ్వరరావు, మాజీ వైస్‌ ఎంపిపి నానిగిరీ రమణాజీ, వాకాడ బాలు పాల్గొన్నారు.
డెంకాడ : చంద్రబాబు అరెస్టుకు నిరసనగా మండలంలోని రఘుమండ గ్రామంలో బాబుతో నేను కార్యక్రమాన్ని గురువారం టిడిపి ఆధ్వర్యంలో నిర్వహించారు. ఈ సందర్భంగా టిడిపి నియోజకవర్గ ఇన్‌ఛార్జి కర్రోతు బంగార్రాజు, సీనియర్‌ నాయకులు కంది చంద్రశేఖరరావు ఇంటింటికీ వెళ్లి కరపత్రాలను పంపిణీ చేశారు. కార్యక్రమంలో మాజీ జెడ్‌పిటిసి పతివాడ అప్పలనారాయణ, టిడిపి మండల అధ్యక్షులు పల్లె భాస్కరరావు, పి.ఎస్‌.విద్యాసాగర్‌ నాయుడు, నాయకులు చీకటి సుహాసిని, పిల్లా రాజశేఖర్‌, ఎంపిటిసి పిల్లా ముసలినాయుడు, పిల్లా సూరిబాబు, పిల్లా రామారావు, పోతన అప్పలరాజు, పిల్లా రాంబాబు, పిల్లా శ్రీను, బంగారినాయుడు పాల్గొన్నారు.
