గుండెల్లో చైతన్యరక్తాన్ని ప్రవహింపజేస్తూనే
కవనం సిరాగా మారి
గుండెల్ని కరిగిస్తుంది
మనుషులను వెలిగించే మానవతాదీపం కవిత్వం
ఆనందమైన భవిష్యత్తుకు వాగ్దానం చేస్తూనే
మానవతా పరిమళాలను పంచే గీతికవుతుంది
జీవన వాహినిలో రసమయగీతిక కవిత్వం
నిరాశ మబ్బులు కమ్మిన నిర్ణిద్రమైన దేహాలకు
ఓదార్పునిచ్చే చేతనగేయమై లేపనమవుతుంది
చురుకుదనాన్ని కలిగించే చైతన్యధార కవిత్వం
తెలుగు పూలతోటలో పరిమళాలను వెదజల్లుతూ
నిత్య సుగంధాలను పంచే ప్రగతి కుసుమమవుతుంది
సాహిత్యంలో విరబూసే నిత్య యవ్వనకవనం కవిత్వం
రాజకీయ నగత్యాన్ని నడిబజారులో నిలబెడుతూనే
ధర్మపోరాటం చేసి ధరణికి వెలుగులు పంచుతుంది
అధర్మాన్యాయాలపై ఎక్కుపెట్టిన అక్షరగాండీవం కవిత్వం
- డాక్టర్‌ భీంపల్లి శ్రీకాంత్‌
90328 44017
