Oct 11,2023 21:36

ప్రచారం చేస్తున్న టిడిపి నాయకులు

ప్రజాశక్తి-విజయనగరం కోట : 9261292612 నంబరుకు మిస్డ్‌ కాల్‌ ఇచ్చి చంద్రబాబుకు మద్దతు తెలపాలని టిడిపి నియోజకవర్గ నాయకులు కోరారు. బుధవారం నగరంలోని కోట వద్ద నుంచి మూడు లాంతర్లు, గంటస్తంభం వరకు ఉన్న వ్యాపారులను కలిసి, చంద్రబాబునాయుడు అక్రమ అరెస్టును ఖండించాలని కోరారు. కార్యక్రమంలో టిడిపి జిల్లా ప్రధాన కార్యదర్శి ఐవిపి రాజు, పట్టణ అధ్యక్షులు ప్రసాదుల లక్ష్మీ వరప్రసాద్‌, కార్యదర్శి బంగారు బాబు, మండల నాయకులు బొద్దల నర్సింగరావు, కార్యదర్శి గంటా పోలినాయుడు, కరోతి నర్సింగరావు, కంది మురళినాయుడు, భరత్‌, ఎ.ఎ.రాజు, శ్రీనివాసరావు పాల్గొన్నారు.
కళ్లకు కనబడటం లేదా?
మాజీ ఎమ్మెల్యే మీసాల గీత
రాష్ట్రంలో స్కిల్‌ డెవలప్‌మెంట్‌ ప్రోగ్రాం వాస్తవాలు ప్రభుత్వానికి కళ్లకు కనబడటం లేదా? అని మాజీ ఎమ్మెల్యే మీసాల గీత ప్రశ్నించారు. బుధవారం స్థానిక ఆర్‌కె డిగ్రీ కళాశాలలో స్కిల్‌ డెవలప్‌మెంట్‌ ద్వారా లబ్ధిపొందిన విద్యార్థులతో ఆమె మాట్లాడారు. అనంతరం బాబుతో నేను అనే పోస్ట్‌ కార్డుపై సంతకాల సేకరణ చేపట్టారు.