ప్రజాశక్తి- ఆమదాలవలస: మండలంలో కొత్తరోడ్డు వద్ద నున్న మిలటరీ క్యాంటీన్‌ వద్ద జిల్లా మాజీ సైనికుల సమాఖ్య అధ్యక్షుడు కటకం పూర్ణచంద్రరావు ఆధ్వర్యంలో మాజీ సైనికులకు లైఫ్‌ సర్టిఫికెట్‌ మేళా నిర్వహించారు. ఈ సందర్భంగా ఆయన మాట్లాడుతూ మాజీ సైనికుల కొరకు ఈ మేళాను ఏర్పాటు చేసినట్లు తెలిపారు. ఈ మేళాకు సహకరించిన ఆడమ్‌ కమాండెంట్‌ కల్నల్‌ విక్రాంత్‌ పాండేకు ప్రత్యేక ధన్యవాదాలు తెలియజేశారు. లైఫ్‌ సర్టిఫికెట్‌ మేళాలో జిల్లా నలుమూలం నుంచి సుమారు 25 మంది మాజీ సైనికులు, వీరనారీమణులు, వీరమాతలు, సైనిక వితంతువులు పాల్గొని లైఫ్‌ సర్టిఫికెట్లు సమర్పించినట్లు పూర్ణచంద్రరావు తెలిపారు. కార్యక్రమంలో జిల్లా మాజీ సైనికుల హానరరీ ప్రెసిడెంట్‌ తమ్మినేని కృష్ణారావు, వైస్‌ ప్రెసిడెంట్‌ విరోదుల సూర్యనారాయణ, సీనియర్‌ ఎయిర్‌ వెటరన్‌ ఎ.వి. జగన్మోహనరావు, క్యాంటీన్‌ మేనేజర్‌ తర్రా కృష్ణారావు పాల్గొన్నారు.
