పెంచిన విద్యుత్ చార్జీలను తగ్గించాలి

• రేపు బృందావనం ఫంక్షన్ హల్లో రౌండ్ టేబుల్ సమావేశం
• వామపక్ష నేతలు

ప్రజాశక్తి-బొబ్బిలి : రాష్ట్రంలో పెంచిన విద్యుత్ చార్జీలకు వ్యతిరేకంగా పోరాటం చేస్తామని వామపక్ష నేతలు పి.శంకరరావు, ఎం.గోపాలం, ఎం.శ్రీనివాస్ చెప్పారు. సిఐటియు కార్యాలయంలో శుక్రవారం వారు విలేకరులతో మాట్లాడుతూ కేంద్ర, రాష్ట్ర ప్రభుత్వాలు అమలు చేస్తున్న విధానాలతో విద్యుత్ చార్జీలు పెరిగి సామాన్యులకు భారంగా మారుతుందన్నారు. పెరిగిన విద్యుత్ ఛార్జీలతో సామాన్యులు తీవ్ర ఇబ్బందులు పడుతున్నారని ఆవేదన వ్యక్తం చేశారు. విద్యుత్ చార్జీలను తగ్గించాలని కోరుతూ వామపక్షాలు ఆధ్వర్యంలో అనేక రూపాలలో పోరాటం చేస్తామన్నారు. నేడు శనివారం బృందావనం ఫంక్షన్ హల్లో విద్యుత్ చార్జీలు పెంపునకు వ్యతిరేకంగా వామపక్షాలు ఆధ్వర్యంలో రౌండ్ టేబుల్ సమావేశం నిర్వహిస్తామన్నారు. రౌండ్ సమావేశానికి కార్మిక సంఘాలు, స్వచ్ఛంద సంస్థల ప్రతినిధులు హాజరై జయప్రదం చేయాలని కోరారు.