జాబ్‌ మేళాలో ఎంపికైన విద్యార్థులతో అధ్యాపకులు
ప్రజాశక్తి-భోగాపురం : భోగాపురంలోని లెండి డిగ్రీ కళాశాలలో ఇటీవల నిర్వహించిన జాబ్‌మేళాలో 93 మంది విద్యార్థులు ఉద్యోగాలకు ఎంపికైనట్లు కళాశాల ప్రిన్సిపల్‌ చప్పా కిరణ్‌ తెలిపారు. ఎంపికైన విద్యార్థులను శుక్రవారం ఆయన అభినందించారు. ఈ సందర్భంగా ఆయన మాట్లాడుతూ జాబ్‌ మేళాకు సుమారు 500 మంది హాజరయ్యారన్నారు. జాబ్‌మేళాలో వివిధ సాఫ్ట్‌వేర్‌ కంపెనీలతో పాటు ఫార్మా కంపెనీలు కూడా పాల్గొన్నాయని చెప్పారు. ఎంపికైన వారిలో సగం మంది తమ కళాశాలకు చెందిన విద్యార్థులు ఎంపిక కావడం అనందంగా ఉందన్నారు. కళాశాల సిబ్బంది టి.సుధీర్‌, బంగార్రాజు తదితరులు పాల్గొన్నారు.
