Oct 10,2023 20:30

పశువైద్య శిబిరాన్ని ప్రారంభిస్తున్న జెడ్‌పి చైర్మన్‌ శ్రీనివాసరావు

ప్రజాశక్తి-చీపురుపల్లి :  మండలంలోని కర్లాం గ్రామంలో ఆజాద్‌ కి అమృత్‌ మహోత్సవం లో భాగంగా శ్రీ వెంకటేశ్వర పశువైద్య విశ్వ విద్యాలయం, పశువైద్య కళాశాల, జిల్లా పశుసంవర్ధక శాఖ సంయుక్తంగా నిర్వహించిన పశు వై ద్య శిబిరాన్ని మంగళవారం జెడ్‌పి చైర్మన్‌ మజ్జి శ్రీనివాసరావు, ఎమ్‌పి బెల్లాన చంద్రశేఖర్‌ ప్రారంభించారు. అనంతరం పాడి రైతులకు మండలు పంపిణీ చేశారు. కర్లాం ఇండియన్‌ బ్యాంకు పరిధిలో 45 మహిళా సంఘాలకు రూ.8.10కోట్ల చెక్కును అందజేశారు. అలాగే డెయిరీ యూనిట్‌ పశు సంవర్ధకశాఖ 24 మంది లబ్ధిదారులకు మంజూరు చేసిన రూ.23.50లక్షల చెక్కును పంపిణీ చేశారు. అనంతరం కరకాం గ్రామంలో జగనన్న ఆరోగ్య సురక్ష మెడికల్‌ క్యాంపును ప్రారంభించారు. వైద్యులతో మాట్లాడి గ్రామంలో ప్రజలకు అందిస్తున్న వైద్య సౌకర్యాల గురించి అడిగి తెలుసుకున్నారు. కార్యక్రమంలో జిల్లా పశుసంవర్ధక శాఖ ఎడి రమణ, గరివిడి పశువైద్య కళాశాల డీన్‌ శ్రీనివాస్‌, ఎంపిపి ఇప్పిలి వెంకట నరసమ్మ, జడ్‌పిటిసి వలిరెడ్డి శిరీష, మండల నాయకులు ఇప్పిలి అనంత్‌, వలిరెడ్డి శ్రీనివాస్‌ నాయుడు, బెల్లాన వంశీ, అధికారులు, వైద్య సిబ్బంది పాల్గొన్నారు.