ప్రజాశక్తి-విజయనగరం టౌన్‌ : క్రీడల ద్వారా మంచి భవిష్యత్తు ఉంటుందని సెట్విజ్‌సిఇఒ రాంగోపాల్‌ తెలిపారు. గురువారం స్థానిక విజ్జీ స్టేడియంలో 10వ సీనియర్‌ రాష్ట్రస్థాయి ఫెన్సింగ్‌ పోటీలకు అండర్‌-23 విభాగాల్లో జిల్లా స్థాయి జట్లు ఎంపిక జరిగింది. పోటీలను ప్రారంభించిన సెట్విజ్‌సిఇఒ మాట్లాడుతూ ఫెన్సింగ్‌ ఒలిపింక్‌ క్రీడలు అత్యంత కీలకమైనవి అన్నారు. ఈ క్రీడ ద్వారా అనేక మంది క్రీడా కోటాలో విద్య ఉద్యోగ అవకాశాలు లభించాయన్నారు. విజయనగరం జిల్లా క్రీడాకారులు రాష్ట్ర, జాతీయ స్థాయిలో పథకాలు సాధించి విజయనగరం ఖ్యాతిని పెంపొందించాలని కోరారు.
ఫెన్సింగ్‌ ముఖ్య శిక్షకులు డి.వి.చారి మాట్లాడుతూ ఈ పోటీలకు ఉమ్మడి జిల్లాల నుండి సుమారు 80 మంది క్రీడాకారులు హాజరయ్యరని తెలిపారు. ఈ నెల 14,15 కాకినాడలో రాష్ట్రస్థాయి పోటీలు జరుగుతాయన్నారు. ఈ జిల్లా టీముకు కోచ్‌లుగా అనిల్‌ కుమార్‌ శర్మ, వెంకటేశ్‌ , మేనేజర్‌గా దాలిరాజు వ్యవహరిస్తారని తెలిపారు.
