ప్రజాశక్తి - నెల్లిమర్ల : విద్యార్థులు క్రీడా స్ఫూర్తితో మెలగాలని వైస్‌ చాన్సలర్‌ ప్రొఫెసర్‌ ప్రశాంత కిషోర్‌ మహంతి పిలుపునిచ్చారు. జాతీయ చదరంగ దినోత్సవాన్ని పురస్కరించుకొని శనివారం సెంచూరియన్‌ విశ్వవిద్యాలయంలో చెస్‌, వాలీబాల్‌, క్రికెట్‌, బాస్కెట్‌ బాల్‌ పోటీలను నిర్వహించారు. వీటికి జెఎన్‌టియు విజయనగరం, అనిట్స్‌ ఇంజనీరింగ్‌ కళాశాలల నుంచి క్రీడాకారులు పాల్గొన్నారు. ఈ కార్యక్రమంలో రిజిస్ట్రార్‌ డాక్టర్‌ పల్లవి, డిప్యూటీ రిజిస్ట్రార్‌ అండ్‌ స్పోర్ట్స్‌ డైరెక్టర్‌ డాక్టర్‌ ఆర్‌.ఎస్‌.వర్మ, స్పోర్ట్స్‌ అసిస్టెంట్‌ డైరెక్టర్‌ నారాయణ తదితరులు పాల్గొన్నారు.
రూ.35 లక్షలతో హెచ్‌టి లైన్‌
నిరంతర విద్యుత్‌ సరఫరాకు రూ.35 లక్షలతో నిర్మించిన నూతన హెచ్‌టి లైన్‌ను వైస్‌ చాన్సలర్‌ ప్రొఫెసర్‌ ప్రశాంత కిషోర్‌ మహంతి ప్రారంభించారు. ప్రస్తుతం సెంచూరియన్‌ విశ్వవిద్యాలయానికి ఒక హెచ్‌టి లైన్‌ ఉండగా, అదనంగా మరో లైన్‌ నిర్మించారు. దీనివల్ల ఎలాంటి విద్యుత్‌ అంతరాయం ఉండదని తెలిపారు.
