నవ వసంతపు శోభతో
పుడమి పులకరించగా
ఇలన ప్రేమను నింపగ
ఉజ్వల భవితకు వారధిగా
మంగళకరమై
మధురకూజిత రవమై
ఉత్తేజపూరిత జవమై
ఉత్తుంగ తరంగార్ణవమై
ప్రసన్నంగా తరలివస్తోన్న
నవ్య ఉగాది శుభకృత్‌కి
స్వాగతం పలుకుతోంది
సకల జగతి
వేపపూల పరిమళాలు
కొమ్మలోన కోకిలమ్మ రాగాలు
మంగళప్రదమై అలరారుతోన్న
మామిడి తోరణాలు
అవనిపై అందరి ఆశలు తీర్చ
శాంతి కపోతంగా
ప్రగతి పతాకంగా
ఆశల హరివిల్లును తెస్తూ
ఆగమిస్తోన్న శుభకృత్‌కి
స్వాగత గీతాలాపన చేస్తున్నాయి
ఉగాది ఉషస్సులతో
నవజీవన స్రవంతిలో
జీవనశైలి సాగిద్దాం
మానవత
వేయి చిగుళ్లు తొడగాలని
ఆకాంక్షిద్దాం..
వేమూరి శ్రీనివాస్‌
99121 28967
