ప్రజాశక్తి-నెల్లిమర్ల : ప్రతిఒక్కరూ కంటి ఆరోగ్యాన్ని కాపాడుకోవడం చాలా ముఖ్యమని సెంచూరియన్‌ యూనివర్సిటీ రిజిస్ట్రార్‌ డాక్టర్‌ పల్లవి తెలిపారు. గురువారం సెంచూరియన్‌ విశ్వవిద్యాలయంలో ప్రపంచ దృష్టి దినోత్సవం సందర్భంగా ఏర్పాటు చేసిన కార్యక్రమంలో ఆమె మాట్లాడారు. ఇటీవల కాలంలో చిన్న వయస్సులోనే దృష్టిలోపం ఏర్పడుతుందన్నారు. మొబైల్‌, ల్యాప్‌టాప్‌, కంప్యూటర్లతో ఎక్కువ పని చేయడం వల్ల కళ్లు పొడి బారడం, దృష్టి లోపాలు కలుగుతున్నాయన్నారు. పచ్చి ఆకుకూరలు, పండ్లు. కూరగాయల రసాలను తీసుకోవడం వల్ల కంటి ఆరోగ్యం మెరుగుపడుతుందని వివరించారు. డీన్‌ ఎంఎల్‌ఎన్‌ ఆచార్యులు మాట్లాడుతూ క్యారెట్లు, బీట్‌రూట్‌, యాంటీ ఆక్సిడెంట్లు ఆరోగ్యాన్ని మెరుగుపరుస్తాయని వివరించారు. అనంతరం విభాగాధిపతి శ్రావణి, మహేష్‌ భగత్‌ తదితరులు పవర్‌ పాయింట్‌ ప్రెజెంటేషన్‌ ద్వారా వివరించారు. ఈ కార్యక్రమంలో ఐక్యూఎసి డీన్‌ ప్రొఫెసర్‌ రమణారావు, దినేష్‌, ఈశ్వరరావు తదితరులు పాల్గొన్నారు.
సెంచూరియన్‌లో డ్యూయల్‌ డిగ్రీ
సెంచూరియన్‌ యూనివర్సిటీలో ఇంజినీరింగ్‌లో చేరిన విద్యార్థులకు డ్యూయల్‌ డిగ్రీకి అవకాశం ఉందని రిజిస్ట్రార్‌ పల్లవి తెలిపారు. ఇక్కడ బిటెక్‌తోపాటు ఆస్ట్రేలియాలోని వెస్ట్రన్‌ సిడ్నీ యూనివర్సిటీ నుంచి ఎంటెక్‌ పట్టా పొందే అవకాశం ఉందన్నారు.
